[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قال الذي هاضه من الوقت هايض= ويحاول انه يكتم الحزن والغيض

فالبارحه برق الهواجيس نايض=بين الضلوع العوج جاء له تواميض

يرعد حزن ويهل وبلً تفايض= يسيل من عيني على الخد ويفيض

سبة زمان فيه زايد وغايض= يبعد محبينً ويقرب مباغيض

هذا زمانً فيه كل النقايض= البيض صارت سود والسود جت بيض

ونا همومي بين عجلً ورايض= واعتضت في برد الشتاء لافح القيض

وغيري رجال من زمنهم مرايض=ولاهو يعالجهم دكاتر وتمريض

امعيض يشكي من زمانه لعايض= وعايض يهل الدمع من حالة امعيض

وبقعى تفنن بالعلوم البغايض= واللي سلم منها رجال محاضيض

لكّن يارب( ن ) فرضت الفرايض= طالبك خفف هاجس الحزن والغيض[/poem]