[poem=font="Simplified Arabic,6,green,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يا أبومتعب عشت يا سيدي نسل الملوك=جعل يفدونك هل الحسد و المتشمّته
أنت رمز الجود ذرب الطبايع و السلوك=و أنت عدّ يآردون الضوامي جمّته
وأنت مثل طويق ماهي تزعزعه الصكوك=والرياح العاتية ما تزعزع قمّته
وأنت مجد وكل شعبك بحبك عاشروك=الفخر ثوبه و غرّ السحايب عمّته
التواضع خصلة فيك وحجاجك ضحوك=يوم راع الكبر ما هي تفيده زمّته
يا ملكنا والله إن الولاء ما به شكوك=المواطن حافظ عهدكم في ذمّته
الثقة ساس الولاء ما يثبّت بالصكوك=والسعودي فالولاء ما يغيّر يمّته
وأنت عاهلنا المفدى ومحزم من نخوك=والصعايب في سبيل الوطن ما همّته
كم وقفت بجنب ناس من الحاجة نصوك=وكم شملنا كل خير يدينك لمّته
وكم عباد الله بالخير والطيب ذكروك= وكم يتيم في جنابك يدينك ضمّته
صيرمي فالمواقيف لي صعبت يصوك=فيصلي" للمعالي تسوقه همّته
في كلامك حكمة ومعرفة لافض فوك= كل شعبك بالرخاء مكرماتك عمّته
العدا مهما ظهر شرّهم ما زعزعوك=ترتجف من ريح باردونا لي شمّته
العدو مهزوم مهما جعل في الدرب شوك=وراعي النمّة ردي ما تفيده نمّته
من طمع فالدار والنفط وأموال البنوك=كان غار بتبكي أمّه وتبكي عمّته
كلنا نفدى الوطن من شروره لي تبوك=والمعادي مات من غيضه ومن غمّته
جعل جنة عدن مأوى ومثوى أمك وأبوك= يا مليك يبذل الجهد دون مهمّته
نفتخربك يا أبومتعب ودوك العلم دوك=مثل ما فآخر رسول البرية بأمّته[/poem]
"[/QUOTE]

__________________

ارحب ارحب يابن شنان شاعر ومتمكن والله يوفقك وانا خوك
تستاااهل الطيب ياطيب
ان شالله ان نفرح بحصلك على القب شاعر الملك


اخوك الشلوه

__________________
[poem font="Simplified Arabic,5,black,normal,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
سبكت البيوت اللي تجمل مجيي سبك= مثل سبك مشخول الذهب عند سباكه[/poem]

زاويتي في مجلةوضوح

اررررررررررررررحب ياابو صالح

ماشاء الله انت دائم في مقدمة

الابداع يابطل الله يفكك من عيون

عيال الحرام

__________________
محمد بن عبيان آل سالم الفهري

أررحب يابن شنان

وألف مبروووك التأهل وعقبال المركز الاول ولاتنسانا من البقشة ..

__________________


والله إنه صادق

صح لسانك
والله يوفقك

صح لسانك وبيض الله وجهك

وابو متعب يستاهل كل علم غانم

شاعر ولك بصمه واضحه جدا

نتمنى لك التوفيق في مسابقة شاعر الملك وأنت قدها وقدود يالقرم

تحياتي

__________________

لاجاتك المليون وش بتسوي= ابتلتفت ولاتبي تنسانا
انته قوي واللي معك متقوي=كل يشد المحزم المليانا
بحرية تسبح وبري جوي=كل ابلج ياصاحبي شروانا
الا ثلاثه حبلهم متلوي=مدري من اللي جابهم واعمانا
على العموم اشوف ضوك توي=شعة ضياها يمها سرانا
فوزك يشجعني وجوك جوي=لااخطاك ماتطرد وراه اخطانا