ذا الليل في ديرةٍ والناس في ديره = معهم بجسمي وتفكيري غدا منّي
آخذ مع الهم والهاجوس تفكيره = الهمّ خيّم وهاجوسي يطمنّي
ياراكب اللي عزيزات مشاويره = أربع ميه واربحه وخمسين لادنّي
رقم اربعه من ورا العشره على قيره = ممتاز و الكمبريشم زوّده فنّي
لاما عطى تختخ شفي على طيره= يدري بعيد المثل لاقام يزمنّي
من سرعته ساعتن تقعد معاصيره = تشفق على اللي من اجله راح متعنّي
نصّه لابو ناصر لامانبي غيره = سِعْد الركايب واهلها يوم تلفنّي
عطه الرساله كتابٍ صيغ تعبيره = واشرح ظروفي لمن ظنّه على ظنّي
جمر الغضا في ظميري شغّلوا كيره = واجحد جروحٍ تجدّد ما يداوَنّي
الجرح لو بري ماتبرى مطاييره = وان ماحصل غايتي ماينبري منّي
مالي جدا كون قولة يالله الخيره = والنفس رخصت ولا اذكر شن بيشحنّي