هذه مساجله بيني وبين الشاعر الكبير عبدالهادي بن علي ابن مخثله من أل سعد

[poem=font="Simplified Arabic,6,darkred,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يأبن سعد يابـو علـي ياأقحطانـي=مدري علامك ماتجيب السواليـف
خابرك من ربع(ن)تحبك المعانـي=على الشعر والمرجله كالمواليـف
اللي كما قصر(ن)طويـل المبانـي=ماينهـدم لـو طاولتـه الملاقيـف
قوم(ن)لهم وقفـه قديـم الزمانـي=شاعت مابين الصين والشام وأجنيف
يوم ألتقو بالخصم أرخـو العنانـي=وتفازعو علـى المنيـه مراديـف
ضدو العدا ثم أحتمو فـي البيانـي=بالرمح والبارود ومصقـل السيـف
صبيهم يصهل سـوات الحصانـي=وعينه تخايـل للقمـم والمشاريـف
جحادر(ن)وقـت القسـا والليانـي=تعرف بطيب الفعل للجار والضيف
الطيـب فيكـم مايبـا ترجمانـي=حزتو على الطاله وزين التواصيف
قلته وأنا ربعـي طـوال اليمانـي=اهل السلـوم الوافيـه والعواريـف
ربعي عبيده حبهـم فـي المحانـي=أفعالنـا ماتبغـي اليـوم تعريـف
هـذا جوابـي ياعريـب المجانـي=وأكلفـك بالـرد عالقـاف تكليـف
[/poem]

وأليكم مردود الشاعر عبدالهادي أل سعد

[poem=font="Simplified Arabic,6,darkred,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
حي القصيد اللـي لفانـي وجانـي=حي البيوت اللي لفتني على الكيف
بيوت جـزلات المعانـي أسمانـي=ماهي على ماقيل حكي وخذاريـف
أعداد من صلى وصام أرمضانـي=وأعداد مهـل السحـاب المقانيـف
يامرحبابـك ياسهـيـل اليمـانـي=يامرحبا ترحيبـة البـدو للضيـف
من خاطر(ن)صافي نطقها لسانـي=تعبير واضح للمشاعر وتوصيـف
هل سربت(ن)يوم الجهل ماتهانـي=تارد على حوض المنايا محاذيـف
يزبن عبيده من لقا المـوت جانـي=وأليـا زبـن تبـددن المخاويـف
والضيف يلقى الحيل فوق الصياني=والعود الأزرق وأشقر البن والكيف
والله وسبعيـن النعـم ياأقحطانـي=قول(ن) مع البرهان مافيه تحريـف
أنتـو نسابتنـا وربـع و عوانـي=وأنتم وحنا شمخ الطـور والنيـف
ماقـل دل وزبـدة الهـرج كانـي=وأليا بغيت أضيف وش عاد باضيف
وأسلم وسلم لـي لقاصـي ودانـي=ياللي مجاراته كرامـه وتشريـف[/poem]

(وسلامتكم جميع )