للـتـواصــل

أرجو ان تنــال على إعجـــابــكم ,,

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
قم يارفيقي وانت كفو المهمات = قم شغل اللي للمشاكيل حلال
في ذمتي مافيه وسط الوكالات = مثله ولا ظني بحلفي انا زال
هذا السفاري ان ولعت فيه لمبات = ماكنه الا اللي على الغيم جوال
واليا انطلق برقٍ لمع فالسماوات = لولا الفرامل ماعلى الارض نزال
واليا اعترض بين الشغا والمطبات = وشفته تهزع فالمطبات ميال
مهزاع شيخه من نسل سيد سادات = لولا انه عنها ناقص(ن) فيه مكيال
وانت اكمل الناقص وكمله بسكات = اخذ القلم وارسم على خده الخال
ثم ارسم اثمه واضبطه باحمر شفات = شرط الـ ينافس فالمزايين بسكال
وان فز واخذ له مع البر جولات = فزيز شيهانٍ لمح سرب الاجوال
كنّه يغبن البوم ويقول هيهات = منته مع الشيهان في كل الاحوال
خلك من الطوقي اليا حد تنهات = لاتقرب ديار(ن) تعوقك بالاشكال
اقول هذا والصدر فيه ونات = بزهم رفيقي عله يسلي الحال
ياراعي البترول الابيض وبالذات = السبعه وتسعين عجلي اعجال
نبى الديار اللي عليها بالاثبات = يذكر لنا بارق ورعاد وخيال
نبي ديار اهل الوفا والمروات = نبي على الصمان سجه ومدهال
ناخذ عليها في هوا البر مكشات = نسلى عن الديره وعن قرب الانذال
ياصاحبي وانت انتبه للمهمات = جهز معاميلك وهات اطيب دلال
دله من الرسلان مامثلها جات = واردفه كيفٍ(ن) يذكرونه بالاجيال
من ديرة الحوثي هل البن والقات = كيفٍ(ن) يكفي فالسنه بس فنجال
من ذاقه ابطت حسبته كيف مابات = ثلاثة ايامٍ(ن) عليها اربع ليال
هذي وصية وانت حذرك للوصاة = لاتخلف اللي بك ترا مابعد قال
غير الذكر بالخير في كل الاوقات = وانته كفو يامعدل الحق وان مال
خوتك تستاهل لها ذكر الابيات = واسمك يعطر بالذكر كل منزال
يالطيب اللي منك الطيب يقتات = شخصك دليل الطيب في كل الاحوال
لا يالظباطي وانت للمرجله ذات = لو للرجالة صرح فانت اله منزال
من نسل عودٍ(ن) بالوفا حي ما مات = لو راح زوله ذكره الحي مازال
عودٍ(ن) ربى بالطيب من فايتٍ فات = حظه من اسمه بالعوض جوله رجال
من لابت(ن) لولا حدود الدويلات = مطير دولة من حدا الجال للجال
من الحفر للمهد لى حد سيهات = اليا الكويت ان روح الدرب لشمال
وفعولهم وسمٍ(ن) بروس الخواجات = وام الجماجم تشهد بذكر الافعال
يستاهلون النعم من كل الجهات = نعمٍ(ن) بهم باعداد ماهل همال
هذا وانا من لابت(ن) فالمثارات = ترد حق الصاع بادبال وادبال
روقي ويكفي لي فخر ربعي عصات = اللي خبالتهم ضرب فيها الامثال
ماهي خبالة راس ,, الا بالاثبات = خبول حربٍ(ن) للمعادين سلال
تشهد بها الكودة ومناخ القرينات = والحرملية خير مثبت للاقوال
فريس قومٍ(ن) يوم للخيل جولات = الورع منا لا ظهر قيل خيال
والحمدلله يوم صك الجهالات = وارسل لنا من عنده اخير مرسال
ارسل معزي لين فك النزاعات = بين القبايل واهجد ابليس بالحال
هذي قصيدة قلتها كيف ماجات = بغيتها نية واثر خاطري سال
بغيتها فالجيب ناوي لمكشات = اثر القصيد ان هل ماحده الجال[/poem]

ماجد بن شغاث ال روق

سلمت وصح لسانك يا ماجد وقصيده رائعه و وصف رائع

تحياتي وتقديري

صح لسانك اخوي

صح الله لسانك يابوعبدالله واعتلى شانك


قصيدة جزله ومليانه ولاتلام على وصف البترول عزالله انه عزالخوي


وننتظر جديدك ياكحيلان

صح الله بدنك يابومعتز


ولاهنت على مرورك العطر

صح السانك يالذيب

__________________

المعذرة على خطا مطبعي في القصيدة :
لا يالضباطي وانت للمرجلة ذات ,, لو للرجالة صرح فانت اله تمثال

^^
فالقصيدة مكتوب منزال

صح الله بدنك يابن محيا

قصيدة رائعة من رائع ...يعطيك العافية ياماجد

حياااااك الله يابو حسن وصح الله بدنك


ولاهنت على مرورك الاكثر من رائع


وابشر بكل خير ,,, وتستاهل الطيب

صح لسانك ويعطيك العافيه