بسم الله الرحمن الرحيم

السلام عليكم ورحمة الله وبركاته

أعتذر على طول الغياب وهذه الابيات عسى أن تشفع لي .

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أفــرح بمعـرفـة الوجـيـه المسـافيــر =اللي تنـومسني لـيـا ســرت مـعهـــا
اللي لـهــا شـيـمــه وقـيـمـه وتـقـديــر = معـروفـةٍ بالـطيب فـي مـجتمعهـــا
اهل النقا والصدق والفضل والـخيــر = ربي عـن ادروب الخـمايـل رفـعـهـــا
بالعـقـل والحكـمـه والاحسـان لـلغـيــر = تمشـي بـحــق ولا تضـيـّع سـنعـهــا
أهل الكـرم ماهي تـحسب المخاسيــر = سـجــيــة بـنـفــوس مــا تصطنعـهـا
وانا ولـو بـي بعـض الاحيـان تقصيــر = نفسي من الـدنيـا قـليـلٍ طـمعـهــا
شفـّي على درب الهــدى دايـم أسـيـــر = احفظ خطاي من الزلــل وامـتنعـهــا
واحب شـوف الـبـر من يومي صغيـر = نــفــس بــدويّ ٍ عزها في ورعها
يا ما حلى مــع شرقة الشمس وعصيــر = شوف الفياض اللي تفانك ولـعــهـا
ريــح الخزامى والـنـفـل والـنـواويـــر = يبـري مـن الـكـبــد العـليـلـه وجـعـهـا
ويا مـاحـلى لـما أقـبـل الـليـل تشطيــر =ضــو المناره فـي خـوالي وسعـهـــا
قـرّب لهـا المـاء والـحطب والمقاديــر = والنجر والمحمـاس وألـهـب وشعـهــا
ولـيـا استـوت جـــتك الـدلال المباهيـر = الـي بـهــيــل وزعــفــران ٍ نـطـعـهــا
فـنجـالهـا يـســوى الـذهـب والدنانيـــر = عـنـد الـرجـال الـوافـيــه من متـعهــا
الــجـو هـــادي والـســوالـف تعـابيـــر = وقصـايـدٍ جـــزل الـمعـاني بـدعـهــا
انـســج فـالــدنـيــا ولا بـــه معــاذيـــر= لاوقـّفـت يالـربع محدٍ منعها[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]