السلام عليكم ورحمة الله وبركاته:
صباح الخير
كما هي العادة والروتين اللي اصبحت ادمان عند اكثر السعوديين الزحمة وخصوصا على سبب تافه او سوء القيادة قبل شوي وبالظبط الساعه 10وربع تحت كبري خالد ابن الوليد مخرج 8 زحمة والطريق مسكر غريبه اول مرة يتسكر داائما فاضي واطلع معا الخدمة اللي الزحمة اكثر من اللي تحت يعني كأنك داخل المعارض يوم الجمعه والسيارات موقفه عكس وتقدر تتخيل الباقي
المهم وقفت يمين واخذ العدة معي (سروال سباحه "الله يكرمكم"+طوق نجاة+حبل...) اكيد متوقع انهاا سيول تعودنا على ذا المنوال المهم يوم وقفت فوق الكبري وطالعت من فوق الكبري الا سيارة منقلبه والاسعاف موجود والمرور ونص سكان الرياض فوق الكبري واثنين يسولفون واحد منهم شكل توه جاي:
سلامات اخوي وش السالفه:
راعي الجمس منقلب والحمد لله سليم
طيب الزحمه ذي ليش:
(رد بظحكه) ههههههههههه عادي سعوديين
والله ما عندهم سالفه شف هناك قاعد يصور:
لا ما شفت شي اجل في احد في الرياض يموت غرق لا وعلى الدايري ((والربع يستلمون تنتيف وانا روقت على الوظع ومتابع))
يعني شوفوا يا الربع صارت كلمة سعودي تعني تخلف او جهل مسكرين الدايري والمخارج عشان يناظرون في واحد ينزف في دمه وكأنهم يستمتعون بالوظع واحد يصور واحد واقف والاغاني شغاله لا انت بمساعد احد ولا فاك الناس من شرك
صار الوحد يدل حواري الرياض اكثر من الدايري من كثر ما يتجنب الزحمه.
تمسوا على خير

__________________

الله ولا بعض السوالف والعلوم
تحمل الرجال مالا يقدره