أتمنى ان لاتكون مكررة


رحلة علاج طبيعي‏


‏​‏​‏​‏​‏​‏​‏​‏​​‏​‏​‏​‏​‏​‏​

طالب من الرياض بحصة التعبير:-

في اسبوع الاجازه ذهبت انا وعائلتي بسيارة ابوي الجديده موديل 2009 الى الشرقية وذهب ايضا عمي ناصر مع عايلته ولكن سيارتهم قديمه.مشينا الفجر لان ابوي يقول لازم نوصل الشرقيه قبل الظهر وعندما وصلنا شاهدنا العماير الكبيرة والكورنيش الجميل والبحر العميق جدا وعندما جاء وقت الغداء اردنا ان نروح الى تشيليز في الكورنيش الخبر ولكن ابوي قال فلوسنا ماتكفي وصرنا ناكل بخاري كل يوم وفي العصر من اول يوم ابوي عطا امي 1520 ريال عشان المصروف وقال لي ابوي: يا بني انت الان رجال العايله هذي500 ريال بنزين السياره والسيارة معك وانا بروح مع عمك الى البحرين للعلاج. ثم راحو بسيارة عمي للبحرين وانا صرت اسوق في اهلي واهل عمي ناصر وانا مبسوط لان ولد عمي كبري ولكن ابوه مايخليه يسوق ووديت اهلي الراشد اكثر من مرة وجلسنا في الكورنيش وسبحت في الهاف مون وبغيت اموت لان جات سمكة وحيد القرش وبغت تعضني ولكن هربت منها باعجوبة.
وفي يوم من الايام اختي الصغيرة نوير فصخت عبايتها على الكورنيش كي تتمدد وانا زعلت عليها واتصلت على ابوي عشان يهاوشها ويوم رد علي ابوي في البحرين سمعت اصوات اغاني عاليه جدا وكانت سيدة تقول "احلى تحية لابو عبدالله من السعودية" اللي هو انا وفرحت وقلت له من ذي قال مالك شغل هذي دكتورة العلاج الطبيعي وكان صوت ابوي ثقيل وبسرعه قفل السماعه وفي نهاية الرحلة عاد ابوي من البحرين مع عمي ناصر وكلهم يضحكون مستانسين من العلاج ولكن ابوي زعل على نوير لاني علمته عن العبايه يوم جا ثم قمنا ورجعنا للرياض وقال ابوي كل مرة تصير عندكم اجازة وانتو عاقلين ولا تتشيطنون راح اوديكم الشرقيه وايضا عشان يتعالج في البحرين وقالت له امي ليه ما تودينا البحرين معك؟ فقام يهاوشها ويقول انا اروح للعلاج ليش اوديكم والمستشفى كله رجال.. وفي الختام انا احب ابوي ولكن اتمنى انه ما يطيب عشان نروح للشرقيه واجد وهو يتعالج في البحرين

[frame="2 50"]ألف شكر يالوافي
على الموضوع الجميل والطرح المميز

إبداااااع غير محدود من رجــــــــــــل مبدع

ولا زلنا ننتظر المزيد من إبداعاتك الجميلة ... دمت بود[/frame]

__________________

هذا الولد عقوبة على أبيه

__________________

الورع ذا فضح أبوه ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

صبحك بالخير يا ابو فهد

قصة محزنة وممتعة ... الحقيقة فيه كثير من تلك النوعيات من البشر

واحد يقول لاهله رايح عمرة ... وهو فالها في كازا

والثاني يقولهم رايح انتداب الى جدة وهو في مانيلا

واخر يقول مرسليني دورة للرياض وهو في الجبل في جاكارتا

ومرة زميل قايل لاهله رايح مع لجنة الدعوة ... وهو رايح مانيلا

وهكذا الكثير ..

لاهنت

.


ونعم بك وبهذا الإختيار




ما يخفى على الله شئ



حجة الكذاب دائمآ ضعيفة .



اللي في القدر يطلعه الملاس







تقبل تقديري وحكاي والسلام






.

حقيقة مؤلمة ومؤسفة


للكثير من الاباء


ليش فساد وكذب


وعلى باله يربي عيال!!


الله المستعان


,


,

__________________



لا تمشي على الارض الا تواضعاً .. فكم من تحتها ناسٌ هم منك ارفع

هههههههههههههههههههههههه


والله طلع سر السفر للشرقيه من ابوهم


يتعالج في البحرين


اي والله على البست



صدق الطالب على نياتة


لاهنت يابو فهد


ويسعدك ربي على تميزك في كل شيء


استودعك الله

__________________



اللهم أرحم والدتي ..وأجعل قبرها روضه من رياض الجنه..واسكنها جناتك