[poem=font="Simplified Arabic,4,white,normal,normal" bkcolor="transparent" bkimage="backgrounds/32.gif" border="none,4,gray" type=0 line=0 align=center use=ex num="0,black"]
آخر كلام اوجهه لك ياغرب انسانة غريبة = من فوق قدرك داري بس الخسارة بالحروف
خطك عوج يا خاينة ومظلم ما يمشي به = واللي بيمشي بخطكم ينوي بسرعة عالنكوف
والصادق البر النزيه اظن مانتي من نصيبة = غيرك بيلقى في الهوى اعف منك بالالوف
اللي يروح ويبتعد نقدر رغم انفه نجيبه = اما بحد السلطنة ولا بحدان السيوف
لكن اذا راح الردي وش عاد بالله نرتجي به = الجاهل الغر الذي من يده تاجيه الحذوف
ان كان برضانا معك خلينا شي تفرحي به = يا عل عينك تنعمي قدام للفرحة تشوف
الدلو ذا غيرك شرب به مدي يدينك واشربي به اللي من يدينا شرب يولف على مانا ولوف
مثلك خذيته فترة قصدي قليبي يلتهي به = حب بنيته مايل اطيحه حسب الظروف
حبلك ضعيف في الهوى ما انصحك انا تتعلقي به = لانك معه بتعاشري المرين من رهبة وخوف
ياللي غلبتي العاشقين ذوقي على يدي الغليبة = تتشطري يالشاطرة على المساكين الضعوف
اظن درسي قاسي وحط للعشاق هيبة = ودرسنا القادم يكون مناقشة بين الصفوق
تعالي باكر واسمعي و خلك من استاذك قريبة = وان كان راسك يابس بيلينه لطم الكفوق[/poem]

__________________