صبحكم / مسسساكم الله بالخير جميعااااا
بسم الله الرحمن الرحيم

احب اصبح وامسي على الجميع من زوار واداره واسف على طول الانقطاع
واحب اسلم على الامير ابو فراج عبد الله العلياني واقوله جعلك ذخر يابو فراج

المهم عندي قصيده من ذوقي المتواضع لعيون ابو فرااااج وانشاء الله تنال اعجابكم .





القصيده :






ياقصيدي والوفا في وقتنا صار معروف
وانت لاسوّيت بي معروف من غيرك وفالي



ياعضيدي في زمان الشح والميراد خوف
وانت معيه ماتقصّر عن مدى الجمّه حبالي



والله اني خابرك لطويق ميلاف وشغوف
كيف وآنا معودك لا قلت ترقا كل عالي



لي عليك اليا زهمتك تنهض وتوقف وقوف
ولك عليّه يالوفي لا فطمك عن شوف التوالي



ياقصيدي والعمر لاراح ماهو بمخلوف
وانت شايف راح عمري بين مر وبين حالي



ودام هالساحه مراكز مدري احزاب وصفوف
ليه ماقلبها عليهم واحمل الرايه لحالي



ليه ماصب المعاني في متاهات الوصوف
لين ينزل كل عالي ويتفيّا في ظلالي



وتلتفت يمك رقاب وتحترق لاجلك كفوف
لين يطلع ياقصيدي بالسما نجمك يلالي



وانت ياللي في حياتي لك تفاصيل وحروف
لا نسيتك بعض وقتي رحت من بالي لبالي



صرت شفّي بالحياه ولا بقى بعدك شفوف
ليا التفت لحسن غيرك لاحت اطيوفك قبالي



وكل ماهب الهوى من شرق وطيوفك صفوف
داهم القلب الحزين المبتلي شوق ٍخيالي



وصرت آتوهم وجودك بالمكان ولا اشوف
غير صمت ٍيلتحفني مع تخاريف احتمالي



والله اني مادريت ان الحسا يعني الهفوف
لين بعيون الغرابه جاوبوني عن سؤالي



وكنت اظن الموت نزع الروح برماح وسيوف
مادريت ان المنايا طعنت الغالي لغالي



كنت لك مثل الحياه وكنت في طبعك عزوف
غارق باحلام غيّك لين تقعدك الليالي



جيت لك منا ومنا واستحت منك الظروف
كل يوم ٍتعتذر لي بالظروف ولا تبالي



والجفا بارد ودربك صار بالشوك محفوف
لا متى قلي وانا ارجي غيمتك تمطر وصالي



طال صبري واعرف ان الحر في طبعه عيوف
لا تضايق من مكانه يرتفع في راس عالي



وانتهينا ياشقاي العذب والدنيا تطوف
ولا خذيت الا الجروح ولاخسرت الا حلالي




للشاعر نهار بن ممدوح اسم القصيده ( تفاصيل وحرووف)

صح الله لسانك

__________________

اررررررررررحب ياناصر ومبطى من جا ..

وعزالله ان حن فاقدينك يا الذيب من غير شر والحمد لله على السلامه ..

جيت ولا جبت الا سمين الله يمد في عمرك وعمر ابو فراج ..

صح الله السانك والسان نهار الممدوح مدد بلا عدد ..

تقبل مروري فديتك ..

__________________

لاهنت ويعطيك العافية
وصح لسانك

__________________
سبحانك اللهم وبحمد اشهد الاإلة الاأنت استغفرك وأتوب اليك

الله لا يهينك على الاختيار الطيب


مشتاقين لمشاركاتك الطيبه

لاهنت صح لسانك

وبيض الله وجهك

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

اررررحب يافلاااااااح البقى جعل عمرك طويل على طاعته لاهنت يالغالي

جناب الهضب. المهلهل.. ابراهيم . نايف راكان لاهنتم لا خلاااااااااا ولا عدم جعل عمركم طويل على طاعته

لاهنت وبيض الله وجهك

__________________