[poem=font="simplified arabic,6,black,bold,normal" bkcolor="transparent" bkimage="" border="double,4,black" type=1 line=0 align=center use=ex num="0,black""]
اللي يعرف أطويق مايجهل النير = واللي يشب النار يقدح أزنوده

اللي يعرف الثار مايجهل الزير = اللي يريد الحق يحضر أشهوده

سود اليالي تزدحم بالمقادير = الوقت مانجهل بابيضه وسوده

نمشي ورى الدنيا سوات المداوير = ملي من الدنيا يبرد الهوده

احرص على خوة رجال مناعير = كل ابلجِ قبله مواقف أجدوده

ليا نخيته هز جمع الطوابير = يعجبك لا حضّر ويثبت وجوده

يزود من زودك ويشلع كما الطير = حرِ على المقناص فكو أقيوده

الراس يحدآه الظفر والسعاطير = يحرص على عزك ويحمي أحدوده

هذا حزامي يالحرار المشاهير = ضلعِ على العدوان يصعب صعوده

لا حتاجني جيته ولا به معاذير = يزيدني فعله وماري بزوده

يحرص على سرك ولا يدري الغير = من دون سرك ماتراخت أعضوده

لا تكشف الاسرار وخذ المحاذير = كم واحدِ لسر تكثر أوروده

ماجرب الدنيا على الشر والخير = مفلي ما بين بيته وذوده

اللي يجيب العلم لك دون تبرير = ياخذ من علومك ويعطي أحشوده

المجلس اللي دون طلبه وتكبير = في ذمتي مايلقى منه فوده

أحرص على خوة وجيه مسافير = الكل منهم في جبينه سجوده

لا تنخدع في زين بيض الغنادير = ترى القضاء برقه ياسابق أرعوده[/poem]


دايس المسعودي