غنـي بربـي والدعـا والرفـاقـه
وقرم وليـا جـت للقصايـد مفـوه


بحـر تباعـد غبتـه عـن رزقـه
لهـل الغثـا طيشـه ولله هــدوه


أن زان وقتـي خـذت لـذة فواقـه
ولوه يشين يشيـن عـادي ولـوه


بنكي رياجيـل الشـرف والبطاقـة
جمايلـي وأسمـي وكبـر المـروه


من لابة فـي ثقـل أهلهـا محاقـه
فعيونـهـا كـثـر الاودام يـشـؤه


الأكرميـن أهـل العقـل و الحماقـه
الجيـديـن مزبنـيـن الـجـلـوه


هذي فقط نبذه عـن أهـل العراقـه
و السامـي يرجـح كلامـه سمـوه


عن افتعـالات الغضـب و الطفاقـه
و عن الملـيء اليـا تبيـن خلـوه


حبيت ابيـن لـك اصـول اللباقـه
مـع واحـد غيثـه يسابقـه نـوه


والا انت كامل لكن أن فيـك عاقـه
ينقـص برستيجـك شويـة جـروه


يمغـري فيعونـي أصـل العـلاقـه
تخيلـو عــدو يعـشـق عــدوه


لازمتني باحلـى الدلـع و الشفاقـه
و أدخلتني في حلم عمـرك و جـوه


و حببتني في شـي أسمـه صداقـه
و كرهتني في شـي أسمـه أخـوه


و لفتني يبـو الدلـع و لـف ناقـه
مانـي بقايـل مـا تسويـه سـوه


ركـز معـي للريـح طـلاق ساقـه
وللشين شيـن لانصـا مـا يمـوه


يعلـم بـان حلـم الكسـول اللياقـه
و يعلم بـأن حلـم العقيـم الابـوه


و يعرف متى نضج الورق و أحتراقه
خبير في الاحيـاء مـا هـوب تـوه


ثورته لاجت تشعـل ألفيـن طاقـه
ما هي بشبـة قـاز فـي جمـر دوه

ما انت بغبي جـدا بلفـظ الرشاقـه
و أنا ذكـي جـدا و حبيـت أنـوه


أن جيتني جيتـك علـى كـل فاقـه
و أن رحت أبلعن خير وقتي و سوه


لانـك تنفـاس الحشـا و اختناقـه
ياكـل شبحـي يـا قصـاه ودنـوه


يابو الحلا و أبـو الغـلا و الذواقـه
سرايـرك ملـه و حكيـك نـبـوه


روحك و قلبي لـو بحلـل و ثاقـه
مربوطة فـي بعـض هيـا و هـوه


فان غبت يا نفر العقـل و أشتياقـه
ما ني براغـب بعـد خوتـك خـوه


ببكي علـى زول عشقتـه عشاقـه
و تـرى البكـا للأقويـا زود قـوه


فإن شفت أبن علوش يبكـي فراقـه
ترى أنحدارات الجبـل مـن علـوه

سعد بن علوش

__________________

صح لسان الشاعر سعد بن علوش

الله الله ..

لاهنت يابو سلطان وبيض الله وجهك على النقل ..

صح الله السانك والسان ابو جابر سعد مدد بلا عدد ..

تقبل مروري يا القرم ..

__________________

أخوي أبو سلطان جزل وعادتك الجزاله وش خليت سعد علوش شاعر فحل من فحول الشعراء .....

وفقت في الإختيار بيض الله وجهك....

__________________

فان غبت يا نفر العقـل و أشتياقـه
ما ني براغـب بعـد خوتـك خـوه


ببكي علـى زول عشقتـه عشاقـه
و تـرى البكـا للأقويـا زود قـوه




صح للسسسسانك وللسسسان الشاعر بارك الله فيك لاهنت

ارحب يا ابو سلطان و انشهد انك خليتنا انركز معك ومع قصيده ابن علوش المبدع دائما والمتميز كتميزك يا ابوسلطان

في مواقع صبيان قحطان , بارك الله فيك وفيه وتقبل تقديري ياذيبان