السلام عليكم ورحمة الله وبركاته

مشاركة متواضعة للتواصل آمل أن تجد لها في وطن ذوقكم الراقي مساحه .. مع الإعتذار عن التقصير.

[poem=font="Simplified Arabic,6,red,bold,normal" bkcolor="white" bkimage="" border="none,medium,gray" type=2 line=0 align=center use=ex num="0,black"]
يا صاحبي..لا صار حتّى القلب نبضه مصلحه = دوّر إلـ//كوكب ما بعد جا للتطور به نواه
ما عاد نبغى كوكب(ن) سطحه تحوّل مشرحه = الناس تاكل بعضها..من شان مال وشان جاه
اللي ذبح له واحد(ن)..بكره ذبِح في مذبحه = واللي سحن بعض الدوا للناس تسحن له دواه
واللي شعور الناس يجرحها..شعوره تجرحه = ومن بَرْ غيره بالشقا..ناشه نصيبه من شقاه
والوضع حتى اللي عرف سره صعيب(ن) يشرحه = واللي ينادي يمكن إذنه ما توحّى في نداه
صار الممثل غارق(ن) فالنص وازعج مسرحه = واللي يصفق خوف..ولاّ طامع(ن) فاللي وراه
واللي بقوا تقدر تقول أشباح تسكن الاضرحه = أطيبهم اللي عن ضريحه رافع(ن) بيده غطاه
والعاقل اليا من كتب حرف(ن) يجي من يمسحه = ويقول له وش فيك يا الطيّب عكست الاتجاه
لا تعكس التيار ثم باب المشاكل تفتحه = وتصير مُتْهَم بين حد التبرءه..والاشتباه
من سبتك شيخ البلد ما عاد دانى مشلحه = وانته سبب موت الغريق برميك حبال النجاه
قلت..أصلاً التيار كله مصلحه في مصلحه = واللي يحاول يعكسه..يعكس قوانين الحياه
الكون ضيّق..غير بعيون التفاؤل ما افسحه = والرجل نذكر فعله الطيّب..ولا نذكر رداه[/poem]


وسلامتكم


عبدالله بن عايض الفهري

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]