[frame="7 80"]

هذه القصيدة قلتها بعد تماثل سيدي الامير سلطان للشفاء ونجاح عمليته

وما يتردد بقرب وصوله سالما معافى الى ارض الوطن انشاالله .

[/frame]


[poem=font="Arial,5,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

يالله ياللي تعز النفس بيمانها = ياعالم سر زايدها ونقصانها

ياربنا خالق الاسلام والمسلمين= اغفر زللنا لياما قيست اكفانها

من بعدها للسعادة في قصيدي مجال=اضفى عليها الوقار وحكم اوزانها

سعادتي ماتضمن مجريات الحياه= اقعد على شانها واقف على شانها

سعادتي فرحة (ن) عمت صغير وكبير= بقلوبنا غاليه مانرخص اثمانها

فرحة لقا اللي بطى شوفه يزود غلاه=سلامته تبري انفسنا من احزانها

لمير سلطان بن عبدالعزيز السعود=ركن من اركان دولتنا وشيخانها

عضيد والي لمر ولي عهده لمين= امانتة لازهد فيها ولا خانها

هداج تيما صليب الراس راعى الشداد= زيزومها لحتما الموقف وسلطانها

سمح المحيا ذرا الملهوف عوق الخصيم = قايد حماة الوطن وشعار شجعانها

زحلٍ لحسم المواقف موقفه مايلين= ثقله يرجح بكفتها وميزانها

امير لين الجناب ومواسي المعسرين= امن اسرة عزها الله وعتلا شانها

قصايدن تمدحه تفرق بكل القصيد =نوادر الشعر مدحه يطلق اعنانها

وقصايدي في بو خالد قافها مايشيب= يزين مضمونها وتزين قيفانها

قبل مجيك نرحب طول الله بقاك =مشاعر اقلوب شايببها وشبانها

سلامتك تنشرا وطلالتك يوم عيد= كل القصايد ترحب وانت عنوانها

ياللي لحسم المواقف موقفك مايلين =ثقلك يرجح بكفتها وميزانها

وارض الحرمين من كل اتجاهن وصوب= تفخر ببو متعب الغالي وسلطانها[/poem]

__________________

للتـــــــــواصل

fmaf121@hotmail.com