كان لشالح صديق من اهل الحوطه يدعى فوّاز صاحب نخل وفلاحه وكان شالح يزوره بين وقت واخر وفي احدى الزيارات عرض صديقه عليه ان يترك الباديه ويبيع النخل وينزل عنده فقال شالح هذه القصيده الذي يذكر فيها حبّه للباديه وفرسه العبيّه :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يادار ابو موسى عليك التحيّه= راعي دلالٍ باشقر الكيف براّز

شيخٍ ولد شيخٍ فعاله طريه= ملفى لاهل هجنٍ من البعد عجّاز

والله يالولا حبن بنت العبيّه= ان اتحضرا فالبلد عند فوّاز

شبهتها والشيخ يقهر كميّه= ادميةٍ عدّت على حشم محواز

يازينها بالجوخ والقرمزيه= الى زبر جمعٍ ورا جمعٍ اركاز

نلحق بمصطورٍ سريع الهويه= يضرب بحد الرمح ماهو بهوّاز

اردها لعيون جالي الثنيه= غروٍ صغيرٍ كل ماجا الخبر فاز

فعلٍ لبوي وفعل جديٍ وليّه= ماكر حرارنٍ ماشرك فيهن الباز

هل فرسةٍ من عاد بقعا صبيّه= لاجا النذر نرسي ولا حن بنرّاز[/poem]

__________________

لاهنت ياصقر القحاطين وبيض الله وجهك على مجهودك الطيب

لا هنت ياصقر القحاطين

على هذه القصيده

__________________

عافاك الله على موضوعك وحبيت اسأل هل المقصود هو احد الهززازنة أو ابن فواز التميمي الموجود حاليا في الحوطة واحفاده هم اهل حي الفواز ؟

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

هلابكم كلكم ومسهلا السيف النادر نعم ابن فواز التميمي الموجود حاليا في الحوطة واحفاده هم اهل حي الفواز
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والله يالولا حبن بنـت العبيّـه =ان اتحضرا فالبلد عنـد فـوّاز[/poem]
المقصود في البيت فواز التميمي صاحب النخيل من اهل الحوطه الله يخليلهم اهلهم
والسالفه ماتزيد على 130 عام تقريبآ واكيد بتلقاها عندهم على العموم القصص واجد واذا قدر الله غيرنا على غير شالح من فرسان ومشاهير قحطان لانهم لله الحمد واجد اذا طولت عليكم شوي اعذروني, ترا ماكره كثر الكتابه لكن مجبور ههههههه تاخذني حب السوالف

__________________

اخوي صقر القحاطين شكرا على المشاركه الطيبه ويعطيك العافيه

لاهنت ياصقر القحاطين على القصيده الرائعه

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

لاهنت

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان

احسنت احسنت
الله يرحم شالح ابن هدلان
والله انه اسطورة