[poem=font="Traditional Arabic,7,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يقول من عدّى على راس كايد=مشرافي اللي لاتضايقت أعدّيه


بعض العرب يعجبك لو كان نايد=ودّك لو إنّه لك قريبٍ وتغليه


الطيب طبعه والوفاء له عوايد=واللي لك بقلبه لسانه يبدّيه


هذاك أنا بالروح لرضاه جايد=حتى ولو يخطي فلا لي مشاريه


اللي يلمّح لي بزين الفرايد=مآقول له ياكود عونك و لبيه


لبيه ياراعَ الفعول الوكايد=ياطيّبٍ طيبه عن الناس مغنيه


يامورد أشباه الحكي والضدايد=شئٍ تصرّح به وشئٍ تواريه


أدري وتدري يا وسيع البنايد=الصيد ماكلٍ يضوّي جوازيه


لكن على ماقيل للصيد صايد=وأنا على ماقيل " صيدي مذكّيه "


ماني غشيمٍ بالقنص والشرايد=آوقّف المعنى وأبرّق بخافيه


لو قلت يامحمد ولا قلت رايد=لابدّ يدري رايد إنك تناديه


المسأله ماهي طقوس وعقايد=هذي منح والعبد له رب يعطيه


ربٍّ عطاني عزم ماهو ببايد=ماأستغرب مْن النار عبده ينجّيه


أصغر طموحي حب راعَ القلايد=غروٍ موّردني بحَرهمٍ وتيه


وأكبرطموحي علم خافي وكايد=ياعنك ماغيري موكّد مواريه


الهرج زوده مايجيب الفوايد=والحر يفهم لالمح شي يعنيه


السير له خطّه وللسرب قايد=والعلم له قلبٍ على طول يوحيه


والغانمه مآني عليها بأزايد=من قدّم المعروف يبشر بقافيه


يشتدّ بي لا جاء نهار الشدايد=وينزاح همٍّ في زمانه معنّيه


إعرف ترى للطيب لابد عايد=لوكان كلمة شكر للرجل تكفيه


لك منّي التقدير وافي وزايد=وتحيّةٍ منّي وللأمر " OK "


الكفو نرسل له سلام وقصايد=والفسل لاباللّه ماني ملاحيه


يامال فرقا اللي علومه نقايد=اللي يذلّ الراس للنفس مابيه


ياكم يغيب وماذكر يوم فايد=فقد الثقه بالنفس أكبر بلاويه


خبلٍ يبيك تمجّده بالجرايد=ومن ضيق صدره لازم إنك تداريه


ياتتــّفق ويّاه يمّا تحايد=إتجيبه الكلمه وكلمه تودّيه


يزعل وفي صدره تشبّ الوقايد=حيله ضعيف و هرجته " فيه .. مافيه "


يضحك و بغيابك يكيد المكايد=ويدوّر لغيضك وبالمال يشريه


يحقد وراع الحقد ماهوبسايد=لو قصره فباله من العام يبنيه


ياسعود ماالناقص يجي مثل زايد=لو هو قريبٍ لك من الناس مدنيه


ياسعود والدنيا غثاها تزايد=عاللي همومه مثل ظلّه تباريه


همً يروح ويصبح الصبح عايد=يشتاق لي شوق المفارق لغاليه


والهم الآخر وسط قلبي محايد=ياقل روحاته وماأكثر ملافيه


نفس الهموم المبطيات الجدايد=مابه جديدٍ ياجب الذكر أطرّيه


وياسعود لاتنشد مافيها نشايد=راعَ الهوى مفضوح لو هو يخفّيه


ياعنك مالطعون قلبي ضمايد=ياكود شوف اللي على البال طاريه [/poem]

وسلامتكم يالربع ،،

ارحب يابن صميع

صح السانك والله يعطيك العافية


تقبل مروري

وكأني لم أقرأ على هذا البحر من قبل

قصيدة تسلسلت فكرتها بقافية سلسه

وجاد الحبك والسبك ... معيض بن صميع


صح لسانك وأعتلا شانك


ولك خالص التحايا

__________________
[poem font="Simplified Arabic,5,red,bold,italic" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
والله أنااا مرتوين للزرار =و والله إنااا أطوال وأشهر من علم[/poem]

sehman_a@hotmail.com

فقد الثقـه بالنفـس أكبـر بلاويـه

صح لسانك يا ابن صميع

شاعر مثلك لا يحتاج التعليق على قصائدة

شاعر جزل

ونفتخر بوجوده في هذه الشّبكة

تحيّاتي

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

تحياتي يابو علي

وصح لسانك

والله لك وحشه يالغالي

__________________

أجمل شي في ألانسان قلب صافي يدعو لك

يامرحباء ملايين يا بو صميع
صح الله السانك على هالقصيده الثمينه
طال عمرك يالغالي

وتقبل تحياتي

أرحب تراحيب المطر
قصيدة جزلة ورائعة وتحاكي العقلاء في فهم الابيات والمعاني
لا فض فوك... وسلمت يدك على هذه القصيدة

__________________

جميل جداً هذا النص

صح الله لسانك يامعيض


ودائماً تعودنا حضورك بنصوص تفوق الخيال وتعانق السماء إبداعاً وسحراً



فلك كل الشكر والتقدير على حضورك الشمامخ بهذه الشامخه


تحيتي

[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الكفو نرسل لـه سـلام وقصايـد=والفسـل لاباللّـه مانـي ملاحيـه


يامال فرقـا اللـي علومـه نقايـد=اللي يـذلّ الـراس للنفـس مابيـه


ياكم يغيـب وماذكـر يـوم فايـد=فقد الثقـه بالنفـس أكبـر بلاويـه


خبـلٍ يبيـك تمجّـده بالجـرايـد=ومن ضيق صدره لازم إنك تداريـه [/poem]



معيض

لافض فوك

قصيده عانقت السحاب وفاقت الوصف

واللي يزيدها شموخ انها على فعل يابعدي

شهادتي فيك مجروحه جداً ... ولكن لايصح الا الصحيح

صح لسانك يامعيض وبيض الله وجهك على هالدره الثمينه

ومزيد من التآلق والنجاح ايها السامي

لاهنت وتقبل من محبك بحر اصدق الود

__________________