[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
رشيد =



سلام تسليم في حفلة عزيـز الجنـاب=من لابة ٍ نقطع الفرجة علـى شانهـا
أنا ليا شفت برق ٍ في عروض السحاب=أقول جعله علـى قحطـان وأوطانهـا






ابن شايق=


يامرحبـا بالنيابـة عـن وديـع الـركـاب=إدخـل بيـوت العـرب مـع كـل بيبانهـا
تدعي وانا ادعي عسى بعض الدعى يستجاب=جعلـه يخيّـل علـى الـحـرة وعتبانـهـا






رشيد=



ماني بغلطان فيكم ياوجيـه الذيـاب=شجرة وفاء لو تطول وتكثر اغصانها
ماني بداعي عليكم جعلكـم للذهـاب=أبلشتوا الناس صاحيهـا وقشرانهـا





ابن شايق=



أنا أحسب انك مشيّب واثر توّك شبـاب=لكن معيـي علـى الخوخـة ورمانهـا
أنا أحسب إنك غدير السيل وأثرك سراب=تسرق عشى أم اليتامـا بيـن ورعانهـا






رشيد=



تراي ما احطها بين الذرا والزهـاب=أبعد هدف بندقـي وأرفـع بنيشانهـا
يوم إني أعرفك قلبك مثل قلب الغراب=واليوم عـودت حيـة يلمـظ لسانهـا






ابن شايق=



أنت متغيب وليتك باقي فـي الغيـاب=ماتنشد النـاس صاحيهـا وخبلانها
دم العرب حار والدنيا مرض والتهاب=واللي يشوف الجنايز يحضر اكفانهـا





رشيد=



ذيك السنة قلت ابن شايق تربى وتاب=وأثره يحوف العرب ويشيل قدحانها
الله يسلط على الخياط راع الثيـاب=ما وسّع اكمامها ماعـرض ابدانهـا






ابن شايق=



انا ليا تبت لله ما ابغي إلا الثـواب=وإلا أنت صابر على نارك ودخانها
الله يعذبك يا ثوب الكبك بالعـذاب=ياليت ذاك الملـون غيـر الوانهـا






رشيد=



دنياك فيها الخطا دنياك فيها الصواب=والباخرة في البحر معروف ربانهـا
لكن وش رايكم نحرف مسير الركاب=ننحر جبال السراة نشوف عربانهـا





ابن شايق=


صحيح كلّش يصير وحاسب ٍ له حساب=وبعض البواخر ورا الغبـة وحيتانهـا
النجم حول السما وإلا أنت حول التراب=والمورقـي قايـلٍ لـي عانهـا عانهـا [/poem]

__________________