هذه أبيات جادت بها قريحتي
وذلك بعد تعرض أخي ووالدي (الشيخ / جابر بن محمد بن نملان )
لعملية جراحية تكللت بالنجاح والحمد لله
ارجو أن تنال إعجابكم

[poem=font="Times New Roman,6,black,bold,normal" bkcolor="transparent" bkimage="backgrounds/1.gif" border="double,thick,black" type=4 line=1 align=center use=ex num="0,black"]
[الاياالله أنا طالبّك في الرحمه وفالغفران= وستر الحال في الدنيا وفي مدخالي الجنه
وبر الوالدين الحي والميت وفي الاحسان=وعلى السنة حياه وموت ياربي على السنه
ولاتجعل مصيبتنا بعد دينك في الاخوان= بعض الاخوان وانا استغفرك ياربي تحنه
تحنه لانه طيب خلق وان جاء الشان فبليهان=بليهان اللي فعوله لها شنّه لها رنّه
ابو حجاج طليق وكرمّت(ن) تفرح بها الضيفان= دسمها في صحنها مالاحقها حنّه ومنّه
وابو صُفرً مراهيش عليها طبعة الرسلان=ونجر(ن) فيه ممالاق للكيفات ويدنّه
و ابو مجمر قرض عوده لو انه يشب في الميدان= خفق طير السماء له والهبايب ماتشبنّه
وابو صدرً رحيب مرحبا وارحب على مازان= تراحيب النشاما بالنشاما كيفه وفنّه
مواقيفه مع الصدقان تعكس غبنة العدوان= ومواقيفه على العدوان ياعدوانه الغبنه
اذا لي في الوجود وجود فوجوده هو العنوان=واذا لي في الحياه ظنون فظنوني على ظنه
واذا لي فالمواقيف الجسام عزوم فكحيلان=حزامي في اللزوم وظلي من القيض والكنّه
واذا له في الاسامي غير جابر قلت ابو الاخوان=ابونا ياخوانه واسمه اللي ماختلف عنه
حياته راس مالي وان فقدته فيارحمان=تقصر حبلها مع ساعته على الدين والسنه[/poem]

__________________

اررررررررحب يا علي ..

صح الله السانك مدد بلا عدد ..

وهنيكم سلامة الشيخ / جابر بن محمد بن نملان ..

والله يجعلها طهور ..

تقبل مروري ..

__________________

صح لسانك والحمدلله على سلامه الشايب

آرررررررحب تراحيب الحيا يابن نملان

وصح الله لسانك ,,, وماجادت قريحتك الا بالقصيد الكفو والطيب

وعسا الله يقوم جابر بن نملان بالعافية , وطهور ان شاء الله

تقبل مروري / ماجد بن شغاث

صح الله اللساااانك ياااعلي

والله يجمعكم ولا يفرقكم على العز والخير

والف الف الحمد للله على سلااامة ابو محمد

__________________

الحمد لله على سلامة الوالد

أرررحب وصح الله لسانك والله يشفي العود ويجعله مايشوف بأس


تقبل مروري....

__________________


والله إنه صادق

صح بدنك يافلاح
وتقبل الله دعاك
وأسعدني مرورك

__________________

صح بدنك يابوحسين
وتسلم

__________________

الله يبقيك ياماجد بن شغاث
اسعدني وشرفني كلامك
وتقبل تحياتي

__________________