دابٍ على المجتمـع خش ..

[poem=font="Simplified Arabic,5,darkred,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]



يالله يا محيـي البسيطـة مـن الـرش=ليـا علّهـا وبـل السحـاب المنشّـي
ياخذ ثمـان ليـال والسيـل مـا نـش=حتـى يزيـن بمملكتـنـا التمـشّـي
الله مـن شـيٍ يحـش الحشـا حـش=كـنّ النشيـط يقالـبـه بالمحـشّـي
واعزتـي للـي دخـل جوفـه الغـش=ولو قيـل طيّـب يعـرَف المستغشّـي
أشوف لي دابٍ على المجتمـع خـش=ولـو اتفقنـا مـا لقـى لـه مخشّـي
دابٍ خطير أسـود يخـوّف اليـا وش=و سم الحنش بيـن الشبـاب متفشّـي
دابٍ تلـحّـف فالشـبـاب وتـفـرش=متـغـديٍ فالمجتـمـع ومتـعـشّـي
ومن ذاق سم الـداب يـروح فاللنـش=في ليـل وأمـواج وسحـابٍ يرشّـي
الله على مـن يمنـع الـداب ويطـش=على اليهود أعـداء الشريعـة يطشّـي
وبعض المصايب شاهدوها على الـدش=تبثّهـا الأقمـار فـي كــل دشّــي
وخوفي على اللي ساع طاروا من العش=ووآل أمرهم مثـل البعيـر المعشّـي
وجه الكريم ان شاف راع الوفـا بـش=ووجـه البخيـل تقابلـه مـا يبـشّـي
[/poem]

__________________




[Unload]Unload]

نحمد الله على المكتوب واللي من الله قد جرى

خاتمتنا من الدنيا نودع عمار فانيه