[frame="9 80"]

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

سعـد بـن مناحـي بـن شفلـوت
سلام رده وانا شاعر وراعي محـل = تسليمـة تلـزم الرجـال يبدابـهـا
اما نطحنا الهوى والاّ نزلنا السهـل = والاّ نصينا الجبال الشهـب وذيابهـا
حسيـن بـن شـتـوي الحبـابـي
يامرحبا رده تشبـه لـذوق العسـل = ولنا سلوم وعوائـد والتزمنـا بهـا
احسب حسابك يابن شفلوت توك جبل = وماكل طرقي جبال طويق يرقى بهـا
سعد بن مناحي بن شفلوت
ماحدٍ يغر الاصيل حصان والاّ جمـل =واللي يعرف المهمه يحسب حسابهـا
الى متى والحباب تعيش عصر الجهل =بالله ياحسين قلي وشهـي اسبابهـا
حسين بن شتوي الحبابي
ياطير شلوي تري الجمهور دوبه وصل = وكل الجماهير ودي نكسـب اعجابهـا
نجهل لماحان موقفنـا وقـول وفعـل = وتبين فينا الشجاعه واشتهـر نابهـا
سعد بن مناحي بن شفلوت
من قدّم الوافيه ياخذ عليهـا وصـل =لاتبتلش في علـوم ٍ ماابتلشنابهـا
على المهل ياعميل الخير على المهل =وشلون ترضونها والله مايرضابهـا
حسين بن شتوي الحبابي
ان كان ودك نسري الليل نقـض وفتـل =فاحرص على الحضرميه وامسك نصابها
يابومناحي حصل حاجه وايش اللي حصل =عنـدك علـوم جـديـده مادرينابـهـا
سعد بن مناحي بن شفلوت
انا صملت وسريت وصاحبي ماصمل=توّه يدّل البيوت ويطـرق ابوابهـا
خولان مفتي الحبابيه وشيخ الشمل=هوّ السبب في مصايبكم وأنا أدرابها
حسين بن شتوي الحبابي
ياراعي الهايلكس اللي مافيها دبـل=سريـت عنـا بـدار ماسرينابهـا
ماكل من قابل الابطال سمى بطـل=وخولان من رؤس قوم تفتل اشنابها
سعد بن مناحي بن شفلوت
ان قلت ابنحر ذلول القوم كثر النمل=وان سقتها راح ابن شتوي ولاجابها
جميع الاعضا تعرف المتهم بالقتـل=اللي وطى حية الضلع ووطى دابها
حسين بن شتوي الحبابي
احد ذبحه التعب و احد ذبحه الكسل=والله يحفظ العيون ويحفظ اهدابهـا
القاف مرت حروفه كلهـا واكتمـل=بكره تجيك العلوم وتاخـذ كتابهـا
[/poem]
[/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة