[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
يـا حمود أنـا والله مانـي بكـذاب=أنـا عـدو الكـذب وأنـا خصيـمـه
من كنت طفل إصغير وأدركت الاسباب=نفسـي عزيـزه ماقبلـت الهضيـمـه
ولاخـذت يمنـاي مـدات الاصحـاب=اصـارع الدنيـا بصـبـر وعزيـمـه
والعبـد يبـلا بالمكـاره والانـشـاب=لكنهـا يـا مسندي مــا تضيـمـه
لنصك بـاب يفتـح الله (100) بـاب=وبنـت الضعِيـف نعتبـرهـا يتيـمـه
ما ني بمن يـدرق رفيقـه ليـا غـاب=ولانـي بمـن ياتـي بليـا عزيـمـه
سج القـدم ساعـه ومبـداً بمرقـاب=اخيـر مـن شوفـت طيـور الوليمـه
حتى ولـو كانـوا عزيزيـن واقـراب=البعـد مـا يرخـص للاحبـاب قيمـه
ولااتبع المقفي ولا احسب له احسـاب=مايتبـع المقفيـن غـيـر البهيـمـه
اجـازي الطيـب بطيبـه ليـا طـاب=واصد عـن هـرج القفـى والشتيمـه
ولانخـدع فاللـي تضحـك بالانـيـاب=القلـب جيفـه والملامـح وسيـمـه
لو قـال أنـا راع الكحيلـه وحطـاب=تـراه مايسـوى الرسـن والشكيمـة
عساه مـن فـدوة كريميـن الاشنـاب=اللـي مباديهـم نـظـااف سليـمـه
الله واكبـر فالبلـد كنـنـا اغــراب=فـي مجتمـع جلـه نفـاق وظليمـه
سود الليالي تذهـب العاقـل إذهـاب=ياصل بها من ضيقـة الصـدر تيمـه
يـا كثـر ماشفنـا والأيـام هــراب=الوقـت يمضـي والمصايـب مقيمـه
وصلوا عدد مـا زل مذنـب وماتـاب=علـى رســول الله نبـيـه كليـمـه[/poem]

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

صح لسااااانك يا الصالاني

على هذه الرائعة والعذبة والله لايهينك .

__________________

صح والله لسانك يالصالاني

حكم كل بيت يحمل من المعاني والصور ما يغني عن قصيده بأكملها
لاهنت وبيّض الله وجهك قصيدة جزله وانت كفو

أخوك فارس الشواطي

__________________

صح لسانك يالصالاني قصيده طيبه ذات معاني قيمه ............................

لاكن عندي ملاحظه على اخر كلمه بالقصيده وهي << كليمه >> الكلام هو معجزة نبي الله موسى عليه السلام ,

اما محمد عليه افضل الصلاة والتسليم فمعجزته القرآن , وترى حنا بأنتظار الجديد يالصالاني .

اخوك \ ابن شفلوت

صح لسانك صح لسانك ياوجه جنب
دائم قصايدك من العيار الثقيل

اخووووووك
تركي الفهري

__________________

تركي الفهري

صح لسانك يالصالاني

قصيده جزله من شاعر جزل

اتمنى تسجيل المرور لا عدمتك

__________________
قالها اللي مايخوجل في كلامه _عاطفي(ن) يعتزي بالعاطفيه