السلام عليكم وش حالكم يارجال هذي قصيدة رثاء في ناصر بن مفلح بن غالب الفهري وأخوه محمد الذي صار لهم حادث سير قبل 15 يوم الله يسكنهم فسيح جناته ويلهم ذويهم الصبر والسلوان 0 فأرجوا منكم الدعوه لهم بالمغفره
وقد قلت هذي القصيده :


[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="double,thick,gray" type=4 line=0 align=center use=ex num="0,black"]



بسم الذي من فوق عرشـه تكبـر = الخالـق المعبـود رب الجـلالـي
باسمـه بدينـا والقوافـي تـعـذر = كـاد المثايـل حملـنـا للثقـالـي
إصبـر ولا تشكـي علينـا تصبـر = الحـال مثلـك همنـا زاد تـالـي
جات القوافي والوزن صـار ينجـر = جر الرشـا بحبالهـا فـوق جالـي
واليوم دمعي فـوق خـدي تحـدر = وابكي على منهو من الربع غالـي
مرحوم ياناصـر ورا الحـظ دبـر = لامن فقـدت الغالـي انحـل حالـي
مرحوم يامحمد وانا اليوم ما اقـدر = أشهق واجر الصوت والحظ مالـي
جـو السعـاده فـي سمانـا تعكـر = والحزن لايـع والهواجيـس والـي
كم كسر عظم(ن) لا إنكسر ما يجبر = وشلون يجبر كسر صـم الجبالـي
شف (خشم زيد)* الحين منهم تكسر = يارحمة الله بالضحى جا العمى لـي
تعمى عيون الرجل لامـن تحسـر = على الرفيق الطيـب العلـم هالـي
هذا قضـاء ربـي وشيـنٍ مقـدر = والخلـق فانـي مرجعـه للزوالـي
كن العيون إتشوفهـم لـو تصـور = حـور الجنـان إستقبلتهـم توالـي
عسا استجـاب الله ولعيوننـا قـر = وعسـاه ثبتهـم بوقـت السؤالـي
وهذي سنن ربي على البحر والبـر = جمعٍ يحل وجمـع فـوق الرحالـي
يعوض ربي شايـب(ن) كـم تكـدر = يعوضـه بفيصـل وباقـي العيالـي
وإدعوا لهم وإعداد ما الصف كبـر = في مسجد الله عـد وبـل الخيالـي
وصلاة ربي عد مـا الكـون نـور = على شفيع الخلـق يـوم الزوالـي [/poem]


خشم زيد : الجبل الذي وقع عنده الحادث


وسلامتكم

__________________