هذي قصيدة للشاعر الشيخ علي ابن جابر ابن عياف ابن حمد ابن سفر( فاضل ) ابن حرق ابن طلق العبيدي احد اشهر فرسان وادي عبيدة ابراد ال شبوان الحرقان رحمة الله عليه ..

قالها .. عندما ارسل احد اولاده الى قبايله الحرقان ال سلمان وال سليمان وال غمر .. قبل حوالي 150 سنه .. وقد ذكرت القصيدة في كتاب تاريخ القبايل العربيه .

\\





[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
جابر اوصيك ياشدة حزامي =حيث بك من جابر القرم ماريه

احفظ انسابك وانا اعد الاسامي =لى حفظت القول شد العمانيه

واركب الي تقلب السير درهامي =كاسبنها ابوك ماهيب مشريه

جلها في دقها والظهر زامي =وان جهلتوا لونها لو الادميه

عدت اشتاها على عشب الاكمامي =من خيار الذود للخوف منقيه

فالطرف ربعك لها قيد وخطامي =تامن بربع(ن)ٍ يثنون بالهيه

ماتوطاها الفحل عبر الايامي =يوم عديناه لقصود مرجيه

انشر من العرق مع فوج الانسامي=واحتزم للخوف ياطيب النيه

في اليسيره خل ديرة بني يامي =ناصياً هل الكرم والشهاميه

شف بني عمك مثل سيل دهامي =ربعك الحرقان زبن الجلاويه

لي نويت ديارهم فانت مقدامي =والردي يفداك ومدور السيه

تلفي ربوعن مناعير وحشامي =عزوتي الحرقان ماتكسب الليه

ابشر بترحيب وركابك قيامي =صادق الترحيب في حزة الجيه


قل لهم جدي سفر مسقي الظامي =سيرته تذكر ولاهي بمنسيه

جدي اللي لاطرف الربع ضمامي =راعي دلالن على الضؤ مركيه

طير حرٍِ مخلبه في الخصم دامي =الحريقي ابوه والام شبويه

وشقيقه للمعادين لطامي =تفرح بسلمان لا حل طاريه

واذكر سليمان درع لنا حامي=ترثته في الترك لحقو مناويه

وغمر خلا دياره والاعمامي =ذبح شاة الغرم ياجعله الحيه

ليهو نزل معنا على خير وانعامي=في دماثِ زين والقاع مسقيه


واذكر ان حن نقطن إفياض وانسامي =نتبع البل في الديار الخلاويه

عدنا عشرين خيال والرامي =وابلنا نرعى بها طارف الحيه

وان لفى من صوبكم ذكر زهامي =جاتكم غلمة تعزوى الحريقيه

وانتم لنا رمح في الضيق وحسامي=فزعة الحرقان من ساس جديه

من عبيدة سم لكبود الاخصامي =حن شبوب الحرب ونثبت الكيه

من ذري قحطان من قبل الاسلامي=تضرب العايل برمحن وشبريه [/poem]