[poem=font="Arial,5,red,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
سـلام يـا اجمـل مـن جميـع القصـايـد=فـي شاعـر الملـيـون يـفـداك ملـيـون
أنـت القصيـد الـعـذب واغـلـى فـرايـد=وانت اللذي تامر على الروح وتمـون
وانـت الـلـذي لاجـلـك تـهـل الجـدايـد=مهـمـا تحدتـنـي هواجـيـس وضـنـون
شاركـت لعيـونـك لــو الـوضـع كـايـد=وغنيـت بالحـانـي مــع الـلـي يغـنّـون
واجـتـزت والميـعـاد فـــي دار زايـــد=قـالـوه واقـفـوا جعلـهـم مــا يـــردون
واخـذوا هـل الشهـره هـواة الجـرايـد=الوضـع اعلامـي بحـت كـان تــدرون
مـن شـان شعـر..الا عشـان الفـوايـد=(نخسر فقط مليون..نكسـب ترليـون)
والـشـك مــا يلـحـق وسـيـع البـنـايـد=والا الردي من دون في دون في دون
بابقـى عـن الشهـره واهلـهـا محـايـد=واللي عشق شعري وشهران يكفـون
اهـل الـوفـا والطـيـب واهــل العـوايـد=شعـري ومـا يغلـى لهـم دايــم يـهـون
الـشـعـر ديـــوان الـعــرب والـوكـايـد=مـاهـوب سلـعـه تشـتـرون وتبيـعـون
الشـعـر سـيـف ٍ فــي نـهـار الشـدايـد=يا ما من اسبابه حصل غـزو وطعـون
الشـعـر حـكـمـه والـتـجـارب شـهـايـد=يـا كـم بعـد ربـي عتـق نفـس مديـون
الشعـر مـدح ٍ فـي هــل الـجـود جـايـد=يستاهلـه مـن فــي الـلـوازم يـسـدون
الشعـر يرثـي شخـص ماهـوب عـايـد=بعـد الممـات الا بـامـر خـالـق الـكـون
الـشـعـر هـجــو مكـبـريـن الـوسـايــد=اللـي عـن دروب المـراجـل يـصـدون
وشـعـر الـغـزل يـزهـاه راع الـقـلايـد=ريـم ٍ عـن الـزلات والشـك مصـيـون
هــذا الشـعـر يــا عاشقـيـن الشـرايـد=أكـتـب ولا همّـيـت نـــاس ٍ يـقـولـون
يـرقـا وانــا ارقـــا لانظـمـتـه سـنـايـد=ولا ارتـجـي بــه مــدة الـلـي يـمـدون
صــداه يبـقـى دامـنـي شـخـص بـايـد=بـامـوت والعـالـم سـواتــي يـمـوتـون
[/poem]



محمد بن مريع العجيري الشهراني