[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
للشاعر الذرب الكبير السنافي=امّا القصيد الذرب ولاّ بلاها
ولا يشغلك حبك الوزن والقوافي=لاجاتك الابيات جاتك معاها
لايشغلك غير الوفى وانت وافي=حيّك ولا الدنيا وقلّة وفاها
قابلتني صافي وللحين صافي=والناس والدنيا تراها تراها
ولو نفتح البيبان يالله ياكافي=والله لنبطي ماتقفل حداها
وبين التشابه واوجه الاختلافي=لا الاوله هانت ولا اللي وراها
ماقلت لك لولا العزيمه وكافي=لفيت بك قاع الحياه وسماها
ياهاجسي في قمّة الاحترافي=اعلام ناسً برهنت مستواها
ولو للشدايد مثل ماللعوافي=وش هيبة الحكّام عند اخوياها
ولولا الطبيعه ماتبيح الخوافي=في مبتداها ولاّ في منتهاها
على العموم اسمع وهاك اعترافي=ماكان وصيتك يالولا غلاها
مافيك خير ان كان مافيك مافي=لم الشمل بين السحابه وماها
المقدره مابين نونً وكافي=بامره تبخرها وبامره حلاها
وحتيش لو ظاق وزعل كل سافي=القاع لله والله اللي كساها
والا لبس عشب الربيع الفيافي=كلن عشق عصريته لامشاها
يالمسردي يابن سعد يالعيافي=مايكره الناموس تبّاع طاها
والطيب لو يبذل وهو مايشافي=تحت جناح اخلاص من لا رجاها
شافوه اشداء البشر والظعافي=وتكوّنت سمعه يزلزل صداها
بيتً على طول اتصل في المطافي=الو ترى كبدي غضبها شواها
وبيتً تغيّر جوّه وصار دافي=لاهو على الفكره ولا هو معاها
وبيتً عليه العيد والخير ظافي=على نفوس البيت قبل اقصراها
الا ظحك شافي ظحك جار شافي=وان ماظحك جاره خطاه وخطاها
لو نعتبرها ذنب هل ذنب قافي=يابوحسن في الكلمه اللي حكاها
ماللثقيله غير زند امتعافي=ومافي الاطاله غير قلّة حلاها
يالشاعر الذرب الكبير السنافي=امّا ذرابة رد ولاّ بلاها
ولا يشغلك حبك الوزن والقوافي=ان كانها ماطاعت اللعن ثواها[/poem]وسلامتكم