الشاعر الرائع

محمد بن ساقان

الذي دخل قلوب الملاين في ظهوره الاخير في برنامج شاعر المليون


في رائعه من روائعه

شـــمــــر


من يم نجد وشرق مكه وطيبه

لين الديار اللي جنوب القريات


جيت بخفوقي شوق ماينحكي به
اكبر من حروف الشعر والكتابات


شوق ِ مهو شوق الحبيب لحبيبه
شوق الطنايا للكرم والجمالات


ولو قالوا ان الدار ماهي قريبه
بقول : يعني ماتهون المسافات


ماهم بربعي بالليالي الصعيبه
أجل وربي ماحسبت المشقات


(شمر) ليا صك الصليب بصليبه
إهجد ياجن وإنس لأهل الطويلات


يرضخ لهم هالطيب حشمه وهيبه
ويرفع لهم بالعز بيرق ورايات


ومن مرهم طرقي بيآخذ ضريبه
فنجال ٍ أشدى من خضاب الخوندات


والموقده تشهد براس الرقيبه
ومن طيبهم ماينزلون الطمانات


(والشمري) من طيب راسه وطيبه
به ميزة ٍ عدّت حدود المروات


لاثارت الفزعات .. لاتنتخي به
لأنه يثور من الطنا دون فزعات


الله خلقهم للمصيبه مصيبه
وللنار نار وللمعالي ريادات


وللموت موت ولللهيبه لهيبه
وللطيب طيب وللمراجل سيادات


لكن بهم حاجه ولاهي غريبه
يمكن يخون إبها الشعر والعبارات


إليا بطشوا خلو المضارب عطيبه
وإليا عطوا مامدوا إلا الجزيلات


ما ارفع مكانتهم بشعر ٍ اجيبه
هم يرفعون حروف شعري مقامات


وآخر ما اقول بهالشعر وانتهي به
بحطها بقوسين وأربع علامات !!!!


(الشمري ! عيبه ! وعيبه ! وعيبه !
إليا ارتكى للحمل شال الثقيلات ) ..

صح لسان بن ساقان

ولا هنت يا مشعان

__________________

ارررحب يامشعان والله يحييك

وصح الله لسان ابن ساقان

ان شاء الله يفوز بالمليون

بس يحتاج وقفتنا جميعا

__________________

الله لايهينك على النقل وصح لسان الشاعر محمد ساقان

وبيض الله وجه على هذه القصيده وشمر قبيله عزيزه وتستاهل العلوم الغانمه وستين نعم

تقبل تحياتي وتقديري

__________________

يستاهلون شمر وصح لسان الشاعر

__________________
[flash= [url=http://www.qahtaan.com/works/up][img]]WIDTH=400 HEIGHT=350[/flash]http://www.shbab1.com/2minutes.htm
جرب هذا الرابط

قصيدة في قمة الروعة

لايكتبها إلا شاعر متمكن

ختام القصيدة دلالة على ثروة الشاعر الكبيرة من الصور الجميلة

مشكووور على روعة الاختيار

__________________

لاهنت يامشهان وصح الله لسان ابن ساقان وتستاهل المدح شمر

الله لا يهينك على النقل

وصح اللسان محمد بن ساقان

شاعر رفع رؤسنا بطلوعه أمام الملايين

والله يوفقه ويكتبله الصالح

وقبيلة شمر تستأهل المدح

تقبل تحياتي

صح السانك يابن ساقان

واهل شمر يستاهلون الطيب والمدح

ولاهنت يامشعان

(الشمري ! عيبه ! وعيبه ! وعيبه !
إليا ارتكى للحمل شال الثقيلات ) ..


الله الله


على الشاعر الجزل والمبدع بن ساقان


صح لسانه على القصيده وشمر يستاهلون المدح

وبيض الله وجهه والله يوفقه في مسابقة شاعر المليون



أخوووووووووك