[poem=font="Simplified Arabic,5,blue,bold,normal" bkcolor="transparent" bkimage="backgrounds/17.gif" border="groove,medium,gray" type=1 line=0 align=center use=ex num="0,black"]
ضايقٍ صدري ولاادري ويش اسوي=بعد ماضاقت علـي نجـد العذيـة
من ضروف الوقت شابع ومتـروي=والعمـر محـدود والدنيـا مديـه
والمطيـة حبلهـا صـار امتلـوي=خايـفٍ الحبـل يفتـك بالمطيـة
ماصفى جوي عشان اقـول جـوي=زان واعزومي على الطرقة قويـة
اجمـع الاحـلام واكثـر واشـوي=تجتمع فالصبح واتـروح العشيـة
احسبن توي واثر ماهـوب تـوي=لين شفت الشيب والكبـر وخويـة
مقبلٍ ضعفي عقـب مـاراح قـوي=القـوي الـي خلـق كـل البريـة
مايرجـع مامضـا لـوي ولـوي=غلطتي ماهيـب غلطـه مطبعيـه
اعشق الخوة لكـن والله ماخـوي=خـوةٍ ماتعتبـر ماهـيـب لـيـه
خوتي ماهيـب باسـرح واضـوي=واتوهـق مثـل رعيـان الرعيـة
احتمي واعرف صديقي من عدوي=واعرف الي لي واعرف الي عليـه
من صفالي جاه من برقـي ونـوي=كل خير ويستحـق ازكـى تحيـة
من تعرض لي يبي ياتيـه سـوي=والله انـا اورده حـوض المنيـة
بالشجاعه والظفر شبيـت ضـوي=ثم شربـت اول عيـال الشاذليـه[/poem]

__________________

للتواصل / عبدالله العاطفي
al-gentel-2008@hotmail.com