[poem=font="Simplified Arabic,5,black,bold,normal" bkcolor="sandybrown" bkimage="" border="groove,4,limegreen" type=3 line=0 align=center use=ex num="0,black"]
طــــــال الــســفـــر =
والمنتـظـر مـــل صـبــره =
والشوق با محبوب في ناظري شاب =
.
رد الــــنـــــظـــــر =
خـلـيـت بـالـكـف جـمــره =
سعيرها في داخـل القلـب شبـاب =
.
عــــــز الــخــبـــر =
والمهـتـوي ضــاق صــدره =
يا من يرد العلم عن هاك الأحبـاب =
.
طــيــفــه عـــبــــر =
مـا أرسـل مـع الطيـف عـذره =
هو خاطره من لوعتي ما بعد طـاب =
.
هــــو مــــا ذكـــــر =
أن الـجـفـا فـيــه كـســره =
للخافق اللي من هوى صاحبـه ذاب =
.
يــــا مــــا ســهـــر =
طرفـي علـى حـبـس عـبـره =
اردهـا والوجـد للدمـع جــذاب =
.
دمـــــــعٍ حـــــــدر =
جالـه عـلـى المـنـع جـسـره=
عظيم وجدي للدمع شـرع البـاب =
.
يــــــوم وشـــهــــر =
عـــزاه والـعـمـر مـــره =
والناس واجد لكن الولـف غـلاب =[/poem].

__________________