بسم الله الرحمن الرحيم
السلام عليكم ورحمةالله وبركاته
اود انقل لكم قصيده للشاعر الشاب المتألق عبدالله ابن قنيص الهاجري

واتمنى ان تنال على اعجابكم

[frame="9 80"][ما حلا جمر الغضى والبن الاشقر والدلال=في طرف وسميّةٍ والعشب كاسٍ خدّها

في طرف وسميّةٍ لا ذعذع براد الشمال=تنعش اللي ضيقته دايم توصّل حدّها

غاشيتها رحمةٍ من ربنا منش الخيال=لين رويت من مطر ربي وذعذع نَدّها

في طرفها مامعي ألا عزبتي وابن الرجال=الرفيق اللي ليا جات اللوازم سَدّها

الرفيق اللي يميّز بالدقاق وبالجلال=من سلايل لابةٍ تعرف ويعرف جَدّها

صاملٍ صادق يرز العز في روس الجبال=يعرف مزوح الأوادم قبل يعرف جِدّها

رفقته هي منوتي لا من ضل الوقت مال=واختلف ظني بخلانٍ تزيّف ودها

المراجل للنشاما والأشدة للجمال=والرجال أنواع والأيام تكشف سَدها

كم رفيقٍ بالرخاء يسوا مداغيش العيال=وفالشدايد والله إن الشاة ماهو قدّها

وكم رفيقٍ بالحكا يشبه كريمين السبال=وبالفعول المرجلة ما يرتوي من عدها

وكم رفيقٍ يدّعي بالصدق لا مرّ المجال=وكل ما أقفا صاحبه سلّ السيوف وحَدّها

وكم رفيق وكم رفيق وليه ابا أعيد السوال=كم رفيقٍ لا بنا الرفقة رجع ثم هدّها

ما يبيّن لك مدى الرجّال لا دار الجدال=غير ثنتينٍ وابن جدلان قبلي عدّها

كان طالت طرقتك والا المرض واياك طال=والله إن تعرف من اللي حاجتك يرتدها

مير ياهل العرف واهل العقل ذربين الفعال=يالرجال اللي مع الوافين وافٍ مَدّها

بيعوا الانذال وسط السوق لو ابدون مال=لو يزيد الرجل من جيبه لاعاد ايردها

واشتروا راع الوفاء والمرجلة وابن الرجال=الرفيق اللي ليا جات اللوازم سّدها[/poem][/frame]

__________________
[poem font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,medium,gray" type=4 line=0 align=center use=ex num="0,black"]
ياوجد حالي وجد عودن من العام =صيبه بنات وعلته في فواده
وياوجد حالي وجد من جاه الاعدام=عقب السجن تقرأ عليه الافاده
اشكي على الايام من جور الايام=واثر الغدر في سود الايام عاده
تشطب على اهل الطيب من روس الاقلام=والاش تعطيه الفرح والسعاده[/poem]