بسم الله

السلام عليكم ورحمة الله

هذه القصيدة رد على قصيدة الاخ الشاعر/ عبد الله بن سحمان

والمعذرة على التأخير بسبب مشاكل الاتصال الايام السابقه




[poem=font="Simplified Arabic,5,black,bold,normal" bkcolor="transparent" bkimage="" border="double,thick,red" type=4 line=0 align=center use=ex num="0,black"]
يامرحبا من فكر واحساس وجهد=ترحيبة اللي طبعهم يثنونها

باللي على العليا معه عزم وجلد=وله لابةٍ حدّانهم يحمونها

عنده رصيد(ن) للمراجل ما نفد=وله وقفة(ن) لأجواد ما ينسونها

يارد على العد القراح إلى ورد=عدٍ قراحٍ ما نفذ مخزونها

ياأصحابنا ما جت على ما حن نودّ=أوحيتها يوم انتو اتطرونها

اسمع علومٍ حامضه ماهي شهد= مايِطرِب الرجّال جر لحونها

احد(ن) معه شاهد وأحد عنده سند=والجمرة الحمرا على غليونها

خسران من في الوقت يجفى له (سند)=وش من غنايم توكم تلقونها

واللي يكثر في الملاوي والعقد= يبلش بعقدتها وحلة غونها

واللي يدوّر للتسامح والسدد=يكسب ولا غابن ولا مغبونها

يترك كلام اللي نقل واللي نشد=ويمشي مع اهل الطيب في قانونها

لو لك صديقٍ بالخطيه لك عمد=ادمح خطاه وغلطته يا هونها

ترى الصداقة بيت مرفوع العمد= وتحمّلك له يعتبر عربونها

راعي التسامح لي تجمل به حمد=وقدره رفيع وخوّته يشرونها

ومن قدّمك يالسبت قدّامه الاحد= قلته وغيري عالم يقولونها

وإن شفت ما له عن مجافاتك مصد=خلّك بشانك والعرب في شونها

أعتب عليكم يا صدوقين العهد= ياللي مراقيب الوفا تبدونها

انتو قضاة السالفه دون أي أحد=والسالفه شرواكم يحلونها

وأنتو كما العينين في راس الجسد= وروابط الجدان لا تنسونها

هذا الكلام اللي على الشارب جمد=جتك الرسالة والعرب يقرونها

آخذ ثمين الهرج وأترك ماكسد= وآدور الجزله ولو يغلونها

وعندي على الطرقه ولو طالت مدد=ولي كلمةٍ عن الخمال آصونها

وإن عوّدت عند الكلام المعتمد= أصل الهدايا قدر من يهدونها[/poem]




وسلامة الجميع

أصل الهدايـا قـدر مـن يهدونهـا

*******

وأنت سالم وغانم يالرفيدي

وصح لسانك ولسان ابن سحمان

والله لا يهينكم على هذي الرديّة

ومعذور ولا انت بــ معثور



تحيّاتي

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

قراءة سريعة

ولي عودة ووقفة مع بعض الأبيات


تحيتي

صح لسانك يا ابراهيم

ولاني بمعلق واجد

والله يصلح شؤون المسلمين جميع


ولا هنت

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

جعلني ما اعدمك يا ابو عبدالله

في ذمتي انك وافي و قصيدتك وافيه


شاعر متمكن و جزل و علومه معروفه جعلني ماابكيك



و انت كريم و ابن سحمان يستاهل كل خير


و لو منك 4 في الشبكه لوصل هذاالمنتدى الى العالميه

و تستاهل سمعه يا طير حوران


تقبل مروري جعل ايامك سنين

اخوك الصغير و محبك


تركي الجعادنه

هذا الكلام اللي على الشـارب جمـد جتـك الرسالـة والعـرب يقرونهـا

اي والله قريناها وصح لسانك وفعلا كلام يجمد على الشارب




تقبل تحياتي

قصيدة جامدة في تركيبها
وذات حبك وسبك في غاية الجمال

صح الله لسانك يابو سعد وعسى عمرك طويل على ذا الجزلة والوافيه يالوافي


وآدور الجـزلـه ولــو يغلونـهـا

عزالله انك جبت الجزلة ولا يستغرب عليك ياكحيلان


اتمنى قراءة نص شعري آخر يحمل هذا النوع من الجزالة والقوة


اخوك
عبدالله

سلمت وصح السانك وعلا شانك

عز الله قصيدة وافيه وجزله


من رجل وااافي

تحياتي

صح لسانك اخوي ابراهيم


شاعر جزل بما تعني الكلمه ولايستغرب عليك الجزل



تحياتي

__________________
[poem font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يلي تسمع كلام فلان وتموه = وتلد بالعين يوم يدق جوالي

ماني بصافي مع الي ماصفاجوه = حتى لوانه رفيق الدرب والغالي


الشاعر/مشخص الفهري[/poem]

صح لسانك ولاهنت
على القصيده الوافيه