[poem=font="Simplified Arabic,7,black,bold,normal" bkcolor="sienna" bkimage="" border="solid,medium,chocolate" type=4 line=0 align=center use=ex num="0,black"]







طلبة الله خفا و ذكر ربي جهر=حظ من باع نفسه لله و ربحه
اكفنا شر خوة عوين الدهر=كل يومن على الموال ونصبحه
في بداية شهر ولا نهاية شهر= قبحوا نافخ(ن) للكير ونقبحه
ياعيون الحسد الأكباد فيها قهر= ماتشيع الأمل من بعد تذبحه
قبل ديم المعاني سيل بطن وظهر=كيف يأصل سحابي صوت من ينبحه
ان نحتنا ضخر ولا قطفنا زهر=لو تفوق علينا الصوت والمسبحه
لا لقانا الزمان بوجهه المكفهر=نبتسم في عدال الأمر ومطبحه
هيه ياللي طفيت النار لو تدهر= للمرابي تعود الممسيه مصبحه
مانت ضيفي ولا جاري ولا اطيب صهر=نجم غارب و انا ما اخايل المدبحه
لو تهنا العيون النوم بعد السهر=فأنت قربك خساره غيبتك مربحه
كان ودك تخاوينا وتشرب نهر= قبل شربك الأجاج اليم ماتسبحه[/poem]

__________________

أرحب يابو حسين تراحيب المطر

وصح لسانك واعتلا شانك ولاهان بنانك

صح لسانك ألف مليون مره

بيض الله وجهك ياوجه عبيده أشهد بالله أنك وافي

صراحه بغيت أقتبس بيت او بيتين لقيت القصيده كلها كفو

أخوي ناصر أنت تعرف شهادتي فيك مجروحه ولكن مع كل قصيده جديده يزيد

الأعجاب بك وبي قصايدك اللتي والله ماأخفيك أنها تلامس مافي خاطري

اللي بقوله الله يوفقك ويسدد خطاك ولاتحرمنا جديدك

تقبل مروري وتقديري وحكاي لشخصك الكريم

__________________

صح الله الساااانك من القلب

__________________

صح الله لسناك ورفع شانك

والله قصيدة رائعه ... وكل بيت أجزل من خوه

ولا أقول لك ألا بيض الله وجهك...

ولا تقطعنى من قصيدك وعلومك الجزله..

ألى الأمام...

وافي يا ابو زيااد
وشهادتي فيك مجرووحة
الى الاماام ياسنام الشعر

صح لسانك ولا هنت يالذيب عوايدك في الجزاله

اعجبتني هذه الكلمات

كـــــان ودك تـخـاويـنــا وتــشـــرب نـــهـــر

مانت ضيفي ولا جاري ولا اطيب صهر


مشكور ابو زياد

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

__________________

ارحب يابو محمد

ومنكم نستفيد طال عمرك

واعجابك محل تقديري

__________________

أأأأرحب يا أخوي فهد

ومشكورررر جدآ

__________________

صح بدنك حتى ترضى

ووجهك ابيض

والله يديم التواصل

ويجمعنا على خير

__________________