[poem=font="Simplified Arabic,7,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يا زمان الكبر وأصحاب الملايين الزياده=وياهل الإعلام واللي تدعي كسب البطوله
المطر معاد ينزل والكبر زاد امتداده=ليش ما قلنا الصراحه كل شخص(ن) له ميوله
يا مفاتيح الغلا والشر واضح في فساده=يا مزاين الإبل ليه السعر ما هي بمعقوله
والله لولا الحكم وأصحاب الوفاء وأهل الرياده=ما طلعتوا كل واحد صورته تتبع ذلوله
عزك الله ياوطنا تحت حكم أهل السياده=خلوا اللي ما معه شي(ن) يسوم أغلى فحوله
أختلفنا بالنوايا وأختلف كل بمراده=وأصبح الفاهم يفكر ما بعد حصل حلوله
ولو نخاكم واحد(ن) مسجون ومثنى قياده=ما قدر يقضي ديونه أو على شي(ن) يطوله
أبتلاه الوقت لين أركا على صبره وأباده=لا لقا فزعت كريم وتثبت أفعاله لقوله
ياهل البل وش علام المسلمين أهل الشهاده=في فلسطين وعباد الله تقتّل بالسهوله
وأنتوا أشغلكم زمان الذود وأن نلتو حصاده=لا بها نصرة عباد الله ولا حتى رسوله
شي ما يرضي جلالة ربي ويرضي عباده=يزعل العاقل ولا يقدر على شي(ن) ينوله
آآآآه ياوقت المظاهر ليه كل(ن) في عناده=لازم(ن) يظهر على الشاشه وله صوله وجوله
واليهود تصنّع وتنتج وكل(ن) بجتهاده=تصنع الصاروخ وأيضا القنبله بأغلى عموله
والمغفل ما ذبحه إلا بعيره مع شداده=راجع(ن) للوقت الأول وش فعل ويش محصوله
يامفاهيم العرب واللي تغبّى بنتقاده=لي متى والعالم تطالع لنا ولها مقوله
وضعكم وضع(ن) خطا ياهل الملايين الزياده=شي ما يرضى به الخالق ولا يرضي رسوله [/poem]

جازع مهدي آل سفران

__________________

واليهـود تصنّـع وتنتـج وكـل(ن) بجتهـاده
تصنع الصاروخ وأيضا القنبله بأغلى عمولـه
والمغفل مـا ذبحـه إلا بعيـره مـع شـداده
راجع(ن) للوقت الأول وش فعل ويش محصوله
يامفاهيـم العـرب واللـي تغبّـى بنتـقـاده
لي متى والعالـم تطالـع لنـا ولهـا مقولـه


والله انك صادق

نسأل الله العافيه

صح لسااااااااااااانك

ولك تحياتي

__________________

والله لولا الحكم وأصحاب الوفاء وأهل الرياده
ما طلعتوا كل واحـد صورتـه تتبـع ذلولـه
عزك الله ياوطنا تحـت حكـم أهـل السيـاده
خلوا اللي ما معه شي(ن) يسوم أغلى فحولـه


صح لسانك وعلا شانك قصيده وافيه من وافي لاعدمناك وفعلا ياكحيلان وصلت الابل الى أسعار خياليه جدا وفكرتك وصلت وأن شاء الله يفهمونها ملاك الأبل
تحياتي وتقديري لك

أخوك أبو عساف

__________________

عز الله يابومهدي انك ما كذبت ...
كنا ننتظر مثل هذي المواضيع من زمان....
عز الله انك اقديت ولا اخطيت...
الغرب وانا خوك عندهم مزايين الطايرات الحربية...
وحن مزايين الابل الشعبية....
والشعير نار والعلف نار...وراح فيها الشواوية وهل الدخل البسيط حتى من الجمالة...
حسبنا الله ونعم الوكيل...
اصبح طعام الحيوانات اغلى من طعام البشر...
هذي حقيقة...
صح لسانك ياجازع ولك تحياتي...

جازع ابن مهدي آل سفران


بيض الله وجهكـ...

صح لسانكـ...و صح الله بدنكـ...

أشهد بالله إنكـ...جزل...و رايتكـ بيضاء...

__________________

أرررررررحب يابو مهدي

والله إنك صادق في ذمتي والزمن شين والله يستر من عواقبه

وحسبي الله ونعم الوكيل

صح الله لسانك وبيض الله وجهك

تقبل مروري....

__________________


والله إنه صادق

صح لسانك يا ابو مهدي

موضوع جميل طال انتظارة

تقبل مروري

__________________

لا فض فوك ياجازع وصح الله لسانك
قصيده تحكي الواقع هذه مهرجاتنا فكيف نتطور
تنفق الملايين لإستعراضات الابل
هذا هــو الواقع المرير
كل واحد من اصحاب هذه المخيمات له اقارب
لايجدون قوت يومهم
وهو بملايينه يتباها امام الناس
لماذا لا تنفق في تطوير التعليم
لماذا لا تنفق في مشاريع الخير
لا حول ولا قوة إلا بالله
لاهنت ياجازع لاهنت

__________________

تسلم يا ابن سفران وصح لسانك وقصيدتك تحكي واقع نعيشه وملاحظ والله يستر من عواقبه , تحياتي لك

صح لسانك وبيض وجهك فعلا تطرقت لموضوع يحتاج صراحة ومكاشفة

__________________
سبحان الله وبحمده سبحان الله العظيم