[poem=font="Simplified Arabic,5,black,bold,normal" bkcolor="transparent" bkimage="" border="solid,thin,black" type=1 line=0 align=center use=ex num="0,black"]
لا إله إلا الله المعبود علام الخفايا = نبتدي بإسم الإله ونرتجيه ونلتجي له
يالله ارحمنا وثبتنا ليا جينا عرايا = في مواقيف الحساب إليا لقى كل ٍ حصيله
لا أقترب ميزان عدلك وأرجفت كل البرايا = مالنا غيرك ملاذ ولا لنا دونك وسيله
في نهار ٍ تشخص الأبصار وتشيب الصبايا = والخليل اللي منول صافي ٍ ينسى خليله
والحظيظ اللي بغفرانك تعدته البلايا = وأنجته رحمتك وأمسى وسط جنات ٍ ظليله
يا جليل الملك مالي دون تدبيرك حجايا = في رجاك وفي ذراك ومالي بقدرتك حيله
ومن بعدها يا هجوسي هجرسي وأبني بنايا = هجرسي وأبني بنايا وأعتلي راس الطويله
هاتي القاف السمين وجنبي عني الهرايا = عادتي من راس جدي ما نجيب ألا الجزيله
وإن دعى داعي بن الحارث تعلينا المطايا = بالشداد وبالعتاد وبالزناد وبالفتيله
ما تغيّب عن عزاتي يوم نادوا بالحمايا = ولو وعدهم راسمينه من ورى بغداد أجيله
دون ربعي ما تعذرني المعاذير الملايا = حاضر ٍ في صف ربعي في الخفيفه والثقيله
وجعل راس ٍ ما يشوش وينتهض يوم المعايا =يعجل الله دفتنه حدر النصايب والنثيله
يا هبوب النود هبي من ورى عوج الحنايا = وأشعلي هاجوس بالي بالطواريق الجليله
مرحبا في حفلة ابن الحارث القوم الدهايا = الرياجيل الدهاه اللي يفيدون الجميله
مرحبا بأسماء بن الحارث مقابيس المنايا = درع جنبي لبس راسي مرويت حد الصقيله
الولد منا سوات الصقر في روس العلايا = حافظ ٍ سلم الجدود وضاري بكسب النفيله
وللضيوف إليا لفونا طيب وإكرام وتحايا = والشحم والكيف الأشقر مختلط بنه وهيله
وللخصيم أليا تحدانا وكثر في الخطايا = حد سيف ٍ ينزع الأكباد والعايل يزيله
يا وجودي يوم افكر في القدايم والروايا = يشهد التاريخ بالأفعال من جيل ٍ لجيله
كم سهجنا من مراح وكم وردنا من ركايا = وكم شعينا من قطيع وكم حربنا من قبيله
ربع ابن مهرس عقيد القوم زيزوم السرايا = مرهب الأعداء طويل الباع حماي الدبيله
وبن حريش اللي يعشي الطير والسحم الضرايا=وابن عاتق راعي الأمجاد تاريخه كفيله
وابن عايش مزبن المضيوم حلال اللوايا = وبن مريسي وبن هريس اللي فعايلهم جليله
وأبو علّيه وابن ختام أهل طيب وهقايا =وإن تعزوى بن غزال يضيّع الحجة قبيله
وآل خالد والخشارم ربعنا بعاد النهايا = يشهد بتاريخهم ترج وهضابه والمسيله
عزوتي نو ٍ تحدر من ثقيلات الرفايا = عزتي للي قعد في دقل سيله عزتيله
كم عقيد ٍ حولوبه يوم عجات السبايا = يوم دقلات الجموع أمست تناعيه الحليله
ودون سرفات البكار إلنا مفاعيل وهوايا = نردع الطامع ويرجع مغتشي وجهه فشيله
وإن لمع برق الحياء سقناله الوضح الخلايا = يرتع بهيباتنا ذود ٍ تواصيفه جميله
وفي جنبها خيل ورجال ٍ مداغيش ٍ فدايا = والرصاص اللي عظام الروس يودعها هليله
ولا نهضم حقوق خلق الله من كل النحايا = القبائل ما يهضم حقوقها كود الهضيله
كلبونا شعب واحد من بدو وألا قرايا = في ذرا الله ثم ذرا آل السعود أهل الفضيله
يا بروج العاصمة أرسي ولو هبت هبايا = أثبتي بالله وهيبات الملوك المستحيله
عاش أبو متعب صليب الراس حلال القضايا =المليك العادل المقدام حراب الرذيله
وأبو خالد مشبع الجيّاع رواي الظمايا = عضد أخوه ودرع جنبه في الملمات الجليله
يا عيال اللي خذا حكمه بسلات الصلايا = لأعتزى بنورة يروع قلوب فرسان الكحيله
الإمام مجري الهيّاب ممدوح السجايا = كبد داواها وكبد ٍ فوقها شب المليله
لين حتى تحت حكمه طاعت الروس الطغايا = يا عسى الفردوس منزاله ويشرب سلسبيله
والمراجل ما تهيا بالتمني والحكايا = كود من جرب وذاق الحالية والحنظليله
والسلام ختام وأصلي على سيد البرايا = عد ما هل الهلال ودن رعاد المخيله[/poem]

فيصل بن زايد بن نايف بن شرار بن مهرس

__________________

صح لسانك يافيصل بن مهرس ونعم بكم يابني الحارث تقديري لك

__________________
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
طرفنا ورى تثليث غرب وربعنا = على الطارف الشرقي ورى ديرة الياسي
تغازو بها يوم العدا يرهبونها = على قاطعات البيد من كل عرماسي
[/poem]

ارحب يا أبو زايد في محلك

والله لا يهينك على تواصلك معنا

وصح لسانك على هذه القصيدة العظيمة

الشامخة بكل ما تحتوي من إبداع

وكل من مدحت أهل لذلك .

ونعم ونعم بك وبربعك صبيان بالحارث

ولا أزيد إلا أن أقول: لله درك

تقبل مروري ودمت بخير

__________________

صح لسانك يافيصل......قصيدة رائعة في محفل متميز......
والله والف نعم بكم يال حارث.......
تقبل وديـــ وانـــــــــــــــا خــــــــــوك

اررررررررحب ياوجه شداد

واااافين وااافين

وصح الله لسانك

والله يبيض وجهك

تقبل مرور اخوك

__________________

صح لسانك يابن مهرس .. قصيدة جزلة وابيض وجه .. تقبل مروري

أرررررحب يابو زايد تراحيب المطر

وصح الله لسانك ملايين وبيض الله وجهك على هذه الشامخة

ومليون نعم بك وبربعك بالحارث والله لايهينك على كل حال

__________________


والله إنه صادق

ارحب وصح لسانك عدد مافي بالحارث من طيب

صح الله لسااااانك يافيصل واعتلى شانك

هنا الكلام كثير

ولااقول الا انت شاعر كبير

ونعم بك يافيصل وبربعك

اررررحب يابن مايقه وصح الله بدنك

ومرورك يشرفني لاهنت

__________________