*ماذا تعرف عن الواسطة ؟؟*



القاضي و راعي الدجاجة

جاء رجال ومعه دجاجة مذبوحة ( يعنى ميتة ) وكان رايح (لمحل الدجاج)
عند راعي الدجاج علشان يقطع الدجاجة فقال لة راعي الدجاج خلاص روح لك
ربع ساعة وتعال لي تلقاها جاهزة
قاله صاحب الدجاجة : خلاص اوكى*
فمر قاضى المدينة على راعي الدجاج وقال له :عطني دجاج
قال راعى الدجاج : والله ماعندى الا هذى الدجاجة وهى لرجال بيرجع الحين
قال القاضى : خلاص عطنى اياها واذا جاك صاحبها قول له الدجاجه طارت
قال راعى الدجاج : وشلون مايصير؟؟ هو جايبها ميته كيف ؟؟؟
قال القاضى : اقول لك قول له كذا ولا عليك وخليه يشتكى ولا يهمك
قال راعى الدجاج : اوكى والله يستر*
جاء صاحب الدجاجة عند راعى الدجاج وقال له وين دجاجتى ماخلصت
قالة راعى الدجاج : والله دجاجتك طارت
قال صاحب الدجاجة : وش تقوووول كيف؟؟؟ صاحى انت... أنا جايبها ميتة
وصار بينهم شد في الكلام وبغوا يتهاوشون
فقال صاحب الدجاجة : امش معى للقاضي علشان يحكم بينا هناك ويطلع الحق *
فراحوا للقاضي وعند ذهابهم للقاضي في الطريق شافوا اثنين يتهاوشون
واحد مسلم والثاني يهودي
فجاء راعي محل الدجاج يفرع بينهم ( يعنى يفرق بينهم ) ولكن إصبعه
دخلت في عين اليهودي وفقعها )وفقئها(
فتجمع الناس ومسكوا راعي محل الدجاج وقالوا هذا اللي فقع عين اليهودي
فصارت القضية قضيتين فوق رأسه *
فجروه للمحكمة عند القاضي فيوم قربوا من المحكمة حاول يفلت منهم وقدر ينحاش
وركضو وراه يلحقونه ( حده حده حده عنه جاك حده ) يبون يحاكمونه لكنه دخل في مسجد وهم وراه
ورقى فوق المنارة وهم وراه آخرتها طمر (نقز) من فوق المناره إلا وهو على شايب
فمات الشايب من أثر طيحت راعى محل الدجاج عليه
فجاء ولد الشايب وشاف أبوه ميت فلحق راعى محل الدجاج ومسكه هو ومعه باقي الناس
وودوه إلى القاضي
فلما شافه القاضي ضحك يحسب انه علشان سالفة الدجاجة
مادرى أنه عليه ثلاث قضايا
1) سرقة الدجاجة
2) فقع عين اليهودي
3 ) قتل الشايب
فعندما علم القاضي مسك راسه وقال عز الله انك جبت العيد
فجلس يفكر القاضي وقال خلونا ناخذ القضايا وحدة بوحدة*
المهم نادى القاضي صاحب الدجاجة
قالة القاضي: وش تقول في دعواك على راعى محل الدجاج
قال صاحب الدجاجة : هذا ياقاضى سرق دجاجتي وأنا معطيه إياها وهى ميتة
ويقووووول إنها طاااارت كيف ياقاضى؟؟
قال القاضي : هل تؤمن بالله
قال صاحب الدجاجة : نعم أؤمن بالله **
قال له القاضي : ( يحيي العظام وهى رميم)
قم مالك شي
جيبوا المدعي الثاني



فجابوا اليهودي وقالوا هذا يا قاضى فقع عينة راعى الدجاج
فجلس القاضي يحوس ويفكر ويطلع وينزل,,,,,**
فقال القاضي لليهودي : دية المسلم للكافر النصف يعنى نفقع عينك الثانية**
علشان تفقع عين وحدة للمسلم (راعى الدجاج )
فقال اليهودي : خلاص أنا أتنازل ماعاد أبى شي منه
فقال القاضي : عطونا القضية الثالثة *




جاء ولد الشايب اللي توفى وقال : يا قاضى هذا الرجل طمر على أبوى وقتله **
ففكر القاضي وقال : خلاص روحوا عند المنارة وتركب أنت يالولد فوق وتطمر
على راعى الدجاج**
فقال الولد للقاضي : طيب وإذا تحرك يمين ولا يسار يمكن أموت أنا
قال القاضي : والله هذى مو مشكلتي، أبوك ليش ما تحرك يمين ولا يسار؟؟؟؟؟؟؟؟؟؟؟؟؟؟؟؟؟؟


مايستفاد :
مهما جبت العيد ومهما كانت الجريه
هناك دائما من يستطيع اخراجك منها مثل الشعره من العصيدة

__________________

آل سعـــــــــــــــــــــ ابن مســـــــــــــــــ القــــدراوي ـــــــــــن ـــــــــــــــد

شكل الواسطة دجاجة

__________________



ما أعيش ببلاد ولاهي بأرضــــها
ولا أبي عيوني كان ماهي قبالها


أرض تدوس أمي بالأقدام رملها
أموت فيها واندفن في رمالهـــا

سالفة والله ممتعة بس تقهر

__________________



ما أعيش ببلاد ولاهي بأرضــــها
ولا أبي عيوني كان ماهي قبالها


أرض تدوس أمي بالأقدام رملها
أموت فيها واندفن في رمالهـــا

هههههههههههههه القصه حلوووهـ

المترك اسعدني مرورك يالامير

__________________

آل سعـــــــــــــــــــــ ابن مســـــــــــــــــ القــــدراوي ـــــــــــن ـــــــــــــــد

ارحب يابن جليغم


اسعدني مرورك يالذيب

__________________

آل سعـــــــــــــــــــــ ابن مســـــــــــــــــ القــــدراوي ـــــــــــن ـــــــــــــــد

اخوي دهام
سالفة ممتعة ... والواسطة تسوي العجايب

يازين الواسطه زيناه

اي والله يا خوي دهام انك جبتها في الصميم

نفس حركة الواسطات عندي هالأيام الله المستعان

لاهنت ياخوي وتقبل مروري

__________________

ارحب ياماجد

الممتع تواجدك ومرورك

__________________

آل سعـــــــــــــــــــــ ابن مســـــــــــــــــ القــــدراوي ـــــــــــن ـــــــــــــــد