السلام عليكم ورحمة الله وبركاته


حبيت أن أنقل لكمـ هذه القصيده للشاعر: جبران بن محمد السريعي



[poem=font="Simplified Arabic,4,darkred,bold,normal" bkcolor="orangered" bkimage="backgrounds/6.gif" border="none,medium,black" type=1 line=0 align=center use=ex num="0,black"]
الله يا وقتي ياللي زاد بـي جـوره= ما غير اقول الصبر واللطف يا كافي

يغشاني الحزن والهاجوس له صوره = صورة نهار غبير وعجتـه سافـي

والليل مظلم وبـارد والخـلا بـوره= أسريه مكشوف راسي والقدم حافـي

سبت همـوم تصبـح كـل باكـوره= ون جا المسا تحتويني كنها لحافـي

أظن ما تعرف أحد(ن) غيري تزوره= واشك لو هي ديار وجيتهـا لافـي

احس لو هي نظام وحـط دستـوره= أمشي تحت حكم جاير ما به إنصافي

مجبور يوم العرب ما هي مجبـوره =يالله عليك الفرج يا رب يـا كافـي

مالي سواء دعوةٍ بالليـل مخبـوره= للواحد اللي يعلم الجهـر والخافـي

الدعوه اللي بتالي ثلـت مجهـوره= يجيبها الرب يوم(ن) خلقه تجافـي

شكواي للي يدير الكـون وبحـوره= الخالق اللي بكـل الخلـق روافـي

يا رب همي طغا والنفس مقهـوره= وشهور عمري قحط وسنينه عجافي

يا رب لك وحدك اشكي حال مكسوره= ماشكي لكاهن ولا بشكـي لعرافـي

بامرك دواها وليـل ينبلـج نـوره= تجلي الضلام وعيون الصبح تنشافي

واعوذبك من غوا الشيطان وشروره= واعوذبك من حمول(ن) ترهق اكتافي

في طاعة الرب دام الحال ميسـوره= يطيب عيشي ومـد العافيـه وافـي

الحمـد لله ويـا الاقـدار مشكـوره= طلعتـي المندفـن بينتـي الخافـي[/poem]