[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="groove,medium,white" type=4 line=1 align=center use=ex num="0,black"]
[طال صبري وعمري طال وأنا كماي=أستمع صوتكم يأهل الهوى له دوي
كل من قال خلّي قام يسمع عواي=مثل صوت الذيابة يوم تعوي عوي
كلمة الحب أرضي والمشاعر سماي=وحسبي من الهوى قطرة ندى وارتوي
ياحبيبي لا توهّقني وتبحث خفاي=وأنت أعرفك بعض الأحيان مالك خوي
تجرح الروح بأسلوبك وأنا في عناي=وقلبي اللّي تولّع من عذابك روي
لا تناسى خطاك ولا تناسى خطاي=دام قلبك على فرقى الولايف نوي
ماني أطرد ورى المقفي ولا أنظر قفاي=عاننا الله على فرقاك والله قوي
ولّا أقول الله يسامحك ماذا بجزاي=من غيابك طويت الحب بعدك طوي[/poem]

أبي اسمع ردكم على القصيدة............................. والله لا يهينكم

اخوي فهد ارد عند الخوان -------- لا يوجد تعليق

__________________

صح الله لسانك اخوي فهد وطاب شانك أبدعت وتألقت لاهنت...

__________________

ماهي غريبه عليك يافهد لكن نبي نسمع لك اكثر واما القصيده جميله جدااااااااااااااااااااااااااا

اخوك /ماجد المقبل

يافهد لا تدور فالهوى شرب ماي مايفيد الجروح الا علاج الكوي
اسئل اللي مجرب بخبرك عن دواي يوم صد الوليف وراح دون الحوي
قلت ابا صد عنه لجل ابين غلاي ويوم قفيت عنه قال عود شوي
الوليف المقفي يافهد كنه ياي كل ماتظغطه يرجع وهو ملتوي
وسلامتكم

الله على الليالي القديمة يا بو مقبل ................والأكيد أن الجديد جاي في هالمجلس الطيب......
لكن أبي مشاركات بقصائدك االلي ما تنسى.....وألف تحية

ابشر بالسفر يافهد لكن صبرك وابشر ماطلبت شي فيه قصايد جديده لكن ماعندي والله وقت
واليالي القديمه نجددها

صح ألسنتكـم جمييييع

لاهنتـوووا