هذي قصيدة الاخ الكبير والغالي

حمد السحيمي ( النداوي )

والتي ارسلها لي يوم امس حيث كان لها الوقع الكبير في نفسي وفي نفوس كل من يعرف ابوثامر

تلك القامه التى قلما نجد مثلها قامة

رجوله ومواثيق وطيب معشر وكرم حاتمي وتواضع جم








[poem=font="Simplified Arabic,6,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
واطيري اللي حوّلتـه المشابيـك=وأنته بعيـد الحومـه أول وتالـي
مدري تواسيني أو أنـي أواسيـك=والكـل منّـا فاقـد ٍ روح غالـي
يفزّ قلبي كلّ ما أوحيـت طاريـك=خص ٍ ليا عدّوك روس الرجالـي
والله لبطي ما لقيت العوض فيـك=و والله لبطي وانت دايـم ببالـي
أقفيت عنك وخاطري مولع ٍ فيـك=ما كنّك إلاّ واحـد ٍ مـن عيالـي
تدري وش اللي عاضني منك وفيك=أنـي تركتـك للعزيـز الجلالـي [/poem]


وهذا ردي المتواضع عليها واسأل الله العلي القدير ان يختار مافيه الخير والبركه للجميع


[poem=font="Simplified Arabic,6,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

ياطير ياللي في المشارف مباديك=ماتنزل الا فوق روس الجبالي
ماعلقوك اهل الهروج الصعاليك=نفخر بفعلك كلما جاء مجالي
عشر سنوات والسحيمي يغذيك=وشلون تقوى هجر قرم العيالي
تكفخ على الهده وعينه تراعيك=من وين ماأومت بك هبوب الشمالي
والربعه اللي تنتظر في حراويك=تبغى العشاء لاغاب نور الهلالي
ياطيب راس متيهك يوم يدعيك=تلفي بعد طول العنا والليالي
انت النداوي والنداوي مسميك=لانك على قلبه عزيزٍ وغالي
في ذمتي انه مايفيد العوض فيك=وانا أشهد انه عنك ماهوب سالي
أسمع ونينه كل ماحل طاريك=كل درى به من بعيد وموالي
انته تحاتي الطير وانا نحاتيك=والله يجمع شمل غالٍ بغالي
تكفى ياابوثامر عسى الله يخليك=الطير ناده لايروح شمالي


[/poem]
بحر

( تونس )

__________________

اررررررررررررررررحــــــــب يا ابن طفله في محله

وصح الله لسانك يا صليب الراس

والبدع والرد كلها وافيه

وعساها سحابة وتنجلي يا حمد السحيمي

وبيض الله وجهك يا سيف و وجه كل من سعى في انه يرد الندواي عن اغلاق منتداهـ ومنتدى الشعر الحقيقي


تكفى ياابوثامر عسـى الله يخليـك
الطيـر نـاده لايـروح شمـالـي


ولا هنت يا الذيب

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

الله الله


يابو بندر



مبدع ورد وافي



وأبو ثامر يستاهل كل خير
وبأذن الله يكون أمتداد لعمل آدبي آخر يخدم الشعر والشعراء


لك تحيتي وتقديري

تكفى ياابوثامر عسـى الله يخليـك
الطيـر نـاده لايـروح شمـالـي

الله الله الله

مبدع ممييز شاعر علم

صح والله لسانك ياالغالي

ونتمى أبو ثامر يراجع الوضع ولا يروح عن النداوي

لك مني اجمل تحية

__________________

ارحب ياسعيد

وصح بدنك ياذيبان

والله لايهينك على الحضور والكلام الطيب

ومرورك ينومس لاعدمتك

وتقبل تحيات بحر

__________________

لاهنت وبيض الله وجهك ووجهه

يالذيب وفيت وهو وافي

والله يكتب له اللي فيه خير وبركه

ولعل الاسباب لدى واحد كبر السحيمي

تكون مقنعه

والله العالم

ولكن لي طلب آخر

وهو ابن غفره لديه رائعه

مثل اللي اتيت بها

انت

لأن ابوثامر ارسلها لجميع من يحبه ليخرج بعذر

فاطلبه يأتي بها في موضوعك

لاهنت

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

صح الله لسانك يابحر قلت وطلت

والنداوي ابوثامر خدم الساحه ويستحق التكريم


من الجميع

احزننا كثيرا اغلاق اكبير منتدي شعبي

ابن طفله بيض الله وجهك و وجه السحيمي

قصايد معبره و وافيه

تقبل مروري

بيض الله وجهك ياسيف

وصح لسانك ولسان بو ثامر

والله يدله على كل خير ومن يقرا

__________________

لسماع قصائد الشاعر : سعيد بن مانع
اضغط هنا

بيض الله وجهك يابحر

وأشهد بالله أنك بحر وتطم الرجال كلهم يابليهان

وأبو ثامر صراحه أتخذ قرار غريب جدا ولكن ماندري عن الخوافي

صراحه ابو ثامر أعرفه من قبل لكن عرفته من قرب في مزاين قحطان وأشهد بالله أنه كفو ويجمل ويرفع بالراس

وأنا من أمس أدق على جواله مقفل وعسى المانع خير

تحياتي ياراعي تونس والمده طالت ماجا من يمكم خبر

__________________