[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أنا كل ما دنّت هجوسي و جـات علـوم=اهجرس بطاروق الشعر واسرج خيولـه
هجوسٍ لها في خاطري مدهلٍ و رسـوم=لها في الحنايا لا اقبلت صولـه و جولـه
لها جمرةٍ في خاطـري حرهـا مسمـوم=ومن حرها مـا يـردع الجفـن هملولـه
هماليل طرفٍ عن لذيـذ الكـرا محـروم=الا كيف يرقد من عنا الوقـت و دلولـه
فاذا هملجت عين المريـح بزيـن النـوم=ما والله يجيني النـوم والنفـس مشغولـه
عسى الله يعين اللي سرا خاطره مهمـوم=وبيبـان مشهاتـه مـن العـام مقفولـه
اسج القدم واذب فـي عالـي المرجـوم=طويل الحجا و تسوجه النـود مشخولـه
شفاشيف نـودٍ تبهـج الخاطـر المكلـوم=على نبوةٍ عن صجـة النـاس معزولـه
تعرض الهواجس سلسة حبهـا المنظـوم=ويسري بروحي ساري الوجـد مفعولـه
يعيد الشريط اللي على الذاكـره مرسـوم=و يرجع بزود الهم والضيـق محصولـه
لو اكشف كنين القلـب و ابيّـح المكتـوم=حرام ٍ لا اخلي سايـر النـاس مذهولـه
و لو تنفع الشكوا و كثـر الجـدا واللـوم=لا جاذب ونينٍ ينكـره كـل مـن حولـه
وانا مومن و لاانكر وراضي على المقسوم=ولا ارفض نصيبي دام الاقدار مجهولـه
وانا في رجا فزعتك يا حـي يـا قيـوم=وبيدك تفـرج ضيقـة البـال و حمولـه[/poem]

الله الله

صح لسانكــ

صراحه استمتعت بهذا النص الرائع والمتماسك

اشبعتني شعر..فشكرا لكـ

__________________

صلى الله عليه وسلم

اررررررررررحـــــــــب ياعلي وبيض الله وجهك

وصــــــــــ ح لســــــــــانــــــــــــك
قصيدة جزلة بالحيل مشاء الله تبارك الله

__________________

تعرض الهواجس سلسة حبهـا المنظـوم
ويسري بروحي ساري الوجـد مفعولـه
يعيد الشريط اللي على الذاكـره مرسـوم
و يرجع بزود الهم والضيـق محصولـه
لو اكشف كنين القلب و ابيّـح المكتـوم
حرام ٍ لا اخلي سايـر النـاس مذهولـه
و لو تنفع الشكوا و كثر الجـدا واللـوم
لا جاذب ونينٍ ينكـره كـل مـن حولـه

صح لسانك
وبيض الله وجهك على القصيده الوافيه

مرحبا مرحبا يابو هذال و يكفيني مرورك واطرائك العطر

ووجهك ابيض وصح بدنك يالغالي و جعلك في الوجود

ابو عشق لاهنت على تشريفك و صح بدنك والله لا يهينك

ارحب والله لا يهينك على ذا القصيده الجزله

__________________

صلى الله وسلم على نبينا محمد بيض الله وجهك على هذه الجزله

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

صح الله لسانك