هذه القصيد لشاعر المليون/بنـــدر بن محـــيا العتيــبي مسنــده الى الشاعــر نايـــف بن عبـــيد بن تركـــي بن جليــغــم ويمدحــه ويمـــدح قبيـــله قحـــطان . اتركها بين ايــديكـم********

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="solid,medium,gray" type=4 line=0 align=center use=ex num="0,black"]
ياراكــب اللــي كــنه النــــشمي ليا صـــاح الــــــنذير **** اليا انتـخت مجـــمولة ٍ ذبت فــالارض خـــمارهـــا

جيـــب ٍ لــيامن داس لـه ســـــواقه بـــحزة عـــصـــــير **** يطيــــّر ارض ٍ لامـشــى فــيها يطـــير غـــبارهــا

حنــــت ســـيوره كـنها الــــــى اشتغل هدرة بـــعـير **** علــى ســــواني من ربــط مـــحالته واكــوارهــا!

يظــهر ثـرى ارض ٍ بعّد الما عن محاجرها هجــــير! **** ويــدني بـــلاد ٍ تتعـــب الركـــبان في مسفارهـا

الـنور غاز ولايطـق الــيا ســــــرى النور الـقصــــــيـر **** بــرق ٍ يــصب من الرفــيف بقـاع الارض امطارهــا!

مراتــــبه مخــــمل وجـــلد ٍ نـــاعم ٍ كنه حـــريــــــر **** وســـيوره تهــوجس ودلـكـّوه يـــبيح اسـرارهـــا

كــــنه ليـاا راوْدته الطــــرقه وشـــفته يــســــتدير **** شيــخ ٍ تــعازمه الرجال كبـــــارها وصــغارهـــا

ولــياوقــف كـنه خــلف هــذال قــدام الامــــــــــير **** يــلقي قــصيده فالــوطن ويـــعد فعل اخيارهــا

لـــونه (نحر) عـــذراً علـــى العشاق شر ٍ مستطيــر **** في لــبة ٍ ماتفــرقـه لا لبْــســت اكـسـسـوارهـا

لاديــس لـــه تقول توحي من ورى الصدر الزفـيـــر **** ولاريـّـحه كــــن الـــكفر تصــالحت مــع قارهــا

والــيا رسـى كـنه يقـول اليوم تحـديد المصـــيــــر **** ومســـرى الليالي طاب جايدها وقـطف ثمارها!

عــقب انــهزم ثــلثين لــيل وحــوّل الثلث الأخــيــر **** وخيل الهواجس حــطت الضلع القصي مضمـارها

يـنصى شـجاع ٍ من نسـل قحطان مروية الشـطيــر **** السـربه اللي عاليــة شـــان وعــلا مــقــدارهــا

[ذوي جليــــغم رحمة المسـجون فاليوم العســيـــر **** لاوّصل الدم الركــب والخـــيل فـــي مـثــارهـــا

وانا من رجــال ٍ لهم وقفه لياغــــار الـــمغـــيـــــر **** لـــطـامــة العايـــل ومـــكرمة الضـيوف بدارهــا

اعـتيبه الهيــلا هــل الطـــولات حامــية القــصيــــر **** يكفــيك لاعـــدوّا مــع الأيـام فـــعـل احــرارهــا

ويانــايف ابن عبـــيد مادونك يابن جلـــيغم شويـر **** والناس من دونك مااشــاورهـا ولا ابغى شـارها

عطنــي حلول المــسأله والوضع من تالي خـطيــر **** قـــبل الليـــالي يـاولــد ماتتـــخذ قـــــرارهــــا

مــع عالــم ٍ ماعـاد تـــعطي لاقـلــيل ولاكـــثيــــر **** والمشــكله انه مالـــقى مـــع كل هذا غـارهــا!

وش حــيلته لامــن وقــف مابــين بــرد وزمـــهريــر **** مابيـــن برد وزمـــهرير وبـــين شعلة نـــارهـا!

اليا حـضر مايــنصفونه وان سـكت ماهو بـخــــــير **** وان غــاب قالــوا حجة الغايب خذت شــعّارهـا

والـرازق الله والحســود اللي على اــــلرقـه يســير **** ماطوّل بعـمر البشــر ولاقصـْـر فـــ اعمــارهــا

يالشــاعر المبدع وانا شـاعر ولي قلـــب وضـــمير **** يوم الضمايـــر فالــخفا يجُــــاد لعب ادوارهــا

وقـال المــثل أسأل مجـرب قبل ماتـــسأل خـبــير **** وانــته مــن اهل الفكره اللي ينظر بمنظارهــا

رد الجــواب لشــاعر ٍ ماخــاف لاصــاح الـــنذيـــــر **** ومسرى الليــالي طاب جايدها وقطف ثمارهــا[/poem] :::::::::ودمتـــم بالـــف خـــير:::::::::::