[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
البارحة يوم العرب نومهم زان=كن العيون تقول لا تنام بالله
كنها تقول أرجوك لا تنام يافلان=بالغصب ولا الطيب النوم خله
قربت نجر ٍ له مع الليل دندان=وزينت لي من أشقر البن دله
تجلى هموم الصدر لي صرت طفشان=وتجلى عماس الراس دقه وجله
ماني بمن كيفه معسل ودخان=البن كيفي من على الجمر أزله
طرت على بالي صواديف لزمان=وفرقا رجال ٍ في المواقف جبله
فرقاك ياللي في المواقيف لك شان=شيخ ٍ تعقد الراي وأيضاً تحله
مرحوم يامروي ظما كل عطشان=ومن جار به وقته نصاه وزبن له
ومرحوم ياللي يفرح إن جاه ضيفان=اللي بوقت العسر يعرف محله
ليا لفاه الضيف رحب كحيلان=ومن جاه به هم ٍ فهمه يحله
عمي رعا الوقفات عمي بليهان=سعود لما قسي حمل ٍ يشله
ليا حضر في مجلس ٍ كنه حصان=ولياهرج هرجه جزل ماتمله
معروف من حايل إلى حد نجران=الطيب ساسه والوفى منهج ٍ له
ومعروف من أبها إلى ساحل عمان=سعد الرفيق وللعدوا حد سله
صليب راس ولعتزا بعض لحيان=عدوه يوقف ويثبت محله
هو راعي الوقفات في كل ميدان=وقت اللوازم كنه سيف ٍ نسله
الله عطاه العز والجود عنوان=والطيب كنه ياعرب مستحله
فعايله معها دلايل وبرهان=مهما تطول شهورها والأهله
نهار فرقا كاسب المدح حوران=مابقي عين ٍ دمعها ماتهله
يبكونه رجال ٍ صناديد شجعان=اللي خوي واللي قصير بمحله
ويبكونه ربوعه شباب ٍ وشيبان=في كل دار وكل موطن وحله
وتبكي عليه الهجن ودلال رسلان=والمجلس اللي كل شهم ٍ يدله
وأبكيه لي مريت بيته مسيان=فرقاه خلت بين لضلاع عله
والله لو إن الموت يدفع بالثمان=نشريه ولا نعطي أحد ٍ فداً له
أدعيك يامعبود يارب لكوان=في يوم بعثك تحت ظلك تظله[/poem]

__________________
ALHUBABI2007@HOTMAIL.COM

اسأل الله له الرحمه والمغفره

وصح الله لسانك يالجزل


أخوك

الشيخ سعود بن جراب شيخ على شيخ الله يرحمه ويجعله من ضيفان الجنه
ونعم به وبربعه وكما يقول المثل (هذا الشبل من ذاك الاسد) فهو ولد جراب ماهي غريبة عليه العلوم الغانمه
ويقول الشاعر

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="solid,medium,gray" type=4 line=0 align=center use=ex num="0,black"]
لياحدتك الايام فزبن لك جمـيحي ** يعمدون درب المدح ماهم يخلونـه
لمنك تعبت وحظك يقوم ويطيحي **وتأملت في الايام ماهي بمامـونه
فافزع لحمران العيون اللمفاليـحي ** يسـوون شي والعرب مايسوونـه
كن الحكومة معطيتهم تصاريحي ** على النايف العالي لزوم يعـدونه
يغيرون لدروب العلا والتماديحـي ** وملاحسب لحسـابهم مايحسبونـه
ولي جيتهم فاقلط على هبت الريحي ** على حيـل وإلاحاشي تبترمتـونه
عزوة جراب متعب الشمخ الفيـحي ** لمـنه نواله منهج ماأنقصردونـه
ولمنه خـذاله ذود قوم مصاليحي ** حداهم على الموت الحمروقفودونـه
الشاعر حسين بن معوضه آل ملهي
[/poem]

ونعم فيك ياشديد وفي عمك وتقبل تحياتي...

اقتباس:

ماني بمـن كيفـه معسـل ودخـان **** البن كيفي من علـى الجمـر أزلـه

الله يرحمك يا سعود ابن جراب

بيض الله وجهك يا شديد الحبابي

__________________

الله يرحمه ويغفر له


وبيض الله وجه قائلها

__________________

اررررررررررررررررحب ملاييين ياشديد الحبابي

وصح الله لسانك والله يرحم سعود بن جراب رحمه واسعه


شيخ ولد شيخ وفقيده


لاهنت وبيض الله وجهك ياشديد ولاتحرمنا جديدك فانت شاعر مميز ممبدع

__________________

صح بدنك ومشكور على المرور

__________________
ALHUBABI2007@HOTMAIL.COM

ماعليك زود والله لا يهينك يشرفني مرورك

__________________
ALHUBABI2007@HOTMAIL.COM

نواف الحبابي مشكور على المرور والله لا يهينك

__________________
ALHUBABI2007@HOTMAIL.COM

الله يسمع منك وجهك أبيض لا هنت على المرور

__________________
ALHUBABI2007@HOTMAIL.COM