هذه القصة جرت على سعد بن سمعان وابن عمه سعد بن مفرح، الجميع من فخذ آل سعد من قحطان،
الاثنين كانوا مع إبلهم في ضواحي (الجله) وعندما اشتهت إبلهم الماء وردها على عد يقال له (الأنجل)، وفي آخر النهار
أغار عليهم قوم من أعدائهم حوالي تسعة خيالة طامعين في إبلهم
وعندما شاهد الأخوان القوم حصروا الإبل في نقرة بالنفوذ
وحالوا بينها وبين المهاجمين، وصاروا يعتزون وينتخون فيما بينهم، وحصل فيهم اصابات
وافتكوا إبلهم لأنهم وقفوا وقفة المفادي بنفسه دون حلاله وشرفه.
وعندما انتهت المعركة وصاروا يحلبونها وشربوا من حليبها
وارتاحوا بعد عناء القتال والطراد، قال سعد بن سمعان قصيدة طويلة
تتكون من حوالي 43 بيتاً
ولم اجد الا هذه الأبيات ، واللي يعرفها كامله يقول لنا عليها
يقول الشاعر


عديت فـي مبريـة عصريـة ودموع عين غرقـت هدبانهـا
أنا وردت ابلـي قليـب عيمـم قدنا صلاة العصر من مفطانها
واثر سبر القـوم ينظـر فينـا من فوق صفرا واقف عنانهـا
عود على ربعه يبشرهـم بنـا البل صديرا واقبضوا رعيانها
جانـا ثمـان فوقهـا ثمانيـة والتاسعة طاحت خذيت عناتهـا
خيل ليـا جاتنـا عنـد ابلنـا ضيعت أنا من بندقي صوانهـا
ضربتهـم بالبنـدق المسميـه في روسهم كسرت أنا خشبانها
نعم بسميي يوم جرنـا عندهـا هو من شمال البل وأنا بأيمانها
سعد ضرب له سابق مرشوشة خلاف العضود وتوسير ابطانها
وأنا عقرت اللي كبير راسهـا صما الحوافر سودسو حذيانهـا
عقرت أنا اللي ما يوصف مثلها والشيخ الآخر طايح بأوزانهـا
إلى قوله :

تباشري بالفك يا حـم الـذرا يوم اللقى واللفح من ذرعانهـا
أطعن لعين الفاطر أم اشمالـها للي تبشر بالشبـب ضيفانهـا
وكله لعين اللي يلـوح شقهـا حليبها يصفق علـى سيقانهـا
وكله لعين الثنو اخت ام الفحل حمرا صفق الذيل في كرعانها
وكله لعيني بنت رودة وامهـا كبيرة الجمهـات بيـن أذانهـا
وكله لعيـن البكـرة العمليـة رديفها ما مل مـن حجبانهـا
وكله لعيني جـل ذودي كلهـا تفرح بنا لا ضيعت حيرانهـا
وكله لعين اللي دقيق صوتهـا وتنشد الطرشان عـن خلانهـا
امي توصيني وأنا فـي كفهـا امنع صخاف الشول من قيمانها
البل لاجا العيد عيدي عندهـا يوم الصبايا حذفـت قنعانهـا
البل لا جا القيض فانا عبد لها وأنا عبيد البل ومـن عيدانهـا


تحياتي لكم

العجرشي

__________________
هذا كلام الشاعر القحطاني ...... اللي جدوده للقصيد اسناده

لاهنــــــــــــــــــــــت

وبيض الله وجهك

العجرشي

لاهنت على هذه القصة.... قصة رائعة ، وقصيده اروع.

تقبل تحياتي وشكري،،،،

__________________
يا عالم الغيبِ! ذنبي أنتَ تعرفُه
وأنت تعلمُ إعلاني.. وإسراري


وأنتَ أدرى بإيمانٍ مننتَ به
علي.. ما خدشته كل أوزاري


أحببتُ لقياكَ.. حسن الظن يشفع لي
أيرتُجَى العفو إلاّ عند غفَّارِ؟]

د/ غازي القصيبي رحمه الله

الله يبيض وجهك يالعجرشي

ونعم بال سعد

وجعل من جابهم في الجنه اعترضو دون حلالهم
قصه وقصيده كفو كفو

لاهنت لاهنت
اخوك

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

أبن جفشان

أبن سعيد


مرعي بن دواس


لاهنتو جميعكم على المرور والتعليق

تحياتي العطره

العجرشي

__________________
هذا كلام الشاعر القحطاني ...... اللي جدوده للقصيد اسناده

العجرشي

بيض الله وجهك

قصة تنومس

وربعنا بيض الله وجيهم

اتمنى ان تنسق القصيدة
او ينسقها احد الاخوان

اشكرك

__________________
مجموعة من صوري





مدونتي

نعم بسميي يوم جرنـا عندهـا .....................هو من شمال البل وأنا بأيمانها

جعل ملفاهم الجنة وواحدن منهم مدري وش صار في بندقة والدنيا قد اظلمت مما زاد الموقف صعوبة لكن نصرهم الله

وكفوا ال سعد وجية محمد وبيض الله وجهك ياوجه الجحادر

تقبل تحياتي

لاهنت على التعليق والمرور

وبالنسبه للقصيدة اتمنى من احد المشريفين تنسيقها

لأن انتهت صلاحية التعديل

تحياتي

العجرشي

__________________
هذا كلام الشاعر القحطاني ...... اللي جدوده للقصيد اسناده

ووجهك يالضويري

ولاهنت على المرور والتعليق

تحياتي

العجرشي

__________________
هذا كلام الشاعر القحطاني ...... اللي جدوده للقصيد اسناده

ونعم وكفو يا ال سعد

لا هنت يالعجرشي لاهنت

قصه جميله جدا جدا جدا

والله اني حسيت اني اتابع القصه يوم حدوثها

__________________