قصيدة مع ردها قلتها قبل حوالي سنتين موجهة لصديق لي اتمنى ان تحوز على رضاكم

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,medium,gray" type=4 line=0 align=center use=ex num="0,black"]
ياسلامي على السنعوسي كبير المقام = الصاحب اللي له عندي حشمة واحترام

اهدي انا له سلامي واجزل له التحية = واثني على من حضر واقول السلام

عداد نجم بالسماء وعداد مابارق لاح = وعداد ماطير بالخضيراء حلق وحام

وعداد من طاف حول البيت وسعى = وعداد مامسلم صلى فرض الله وصام

وعداد ماتغيب الشمس ويطل فجر النور = وعداد ماغاص غواص في البحر وعام

ومن بعد هذا ياصاحبي انا لي مشكلة = ومشكلتي اعيت حتى قاضي الغرام

قلبي تعلق في هو غرو صغير السن = حبه ذبحني حيل وحظي معه ماقام

مغرور في زينه يابو مروان بالحيل = حيثه ملك كل الحسن ظبي العدام

يزعل ويرضى دوم مني على كيفه = وانا اليا بغيت ازعل عليه صار حرام

لاقلت انا له يازين بالله عليك هود = قام يتغلى ويزيد علي حتى بالكلام

قدام عيني ومحروم انا من وصاله = قريب مني وابعد علي من الغمام

قام يلعب بي ياصاح يلعب بي = وذقت المهونه من عقب كبر المقام

لاهو حصل لي ولا قدرت انا انساه = ومن سبته حالي قضى وغدا عدام



الــــرد


يامرحبا وعداد مابان ضيه = وعداد ماعام تعدى عام

وعداد مالطوفان بالموج يلعبي = وعدادمالتاجر يحسب جرام

وعداد خفقت شمسها مع مغيبها = وعداد نطق الخال والعمام

يامن علي بالقاف ساق القصايد = وانا اعتبرها يالرفيق وسام

يامن شكى الصد والهجران والعنا = جوه غدا مع من هواه كتام

له عشقة في حبها صار مبتلي = ومن عشقته حاله وطاه الهدام

عنقا غريرة غرها زين وصفها = امسى عليها من الغرور سنام

تحكمت في من بها اليوم هايم = حتى عيونه حارمتها المنام

ياراعي الساحل لك الروح سقتها = كلي فدا اللي مثلكم ضرغام

ياخوي يالطوفان شمر دخيلهم = ماظنتي يالقرم حشا ينظام

كلي فداك ومطلبك صار حاجتي = ثنتين حدد ايهن وشمام

تلقى مرادك تم ياويش مطلبك = ماخاب ظنك دامك المقدام

ان كان هي بالجاه حنا فحولها = ماتنلقى مع بايع وسوام

تلقى مع رجال يقدر مقامها = والغيب يعلم خافيه علام

وان كان هي بالمال سقنا وسقنا = وماحج حجاج بليا حرام

حتى لو نحمل من الدين ماهزع = ضلعان اجا وطويق هو وتهام

يرخص لك الغالي ولو زاد بالثمن = ترفع لك البيضاء مع الأعلام

يامتعب بحور تلاطم موجها = كلي فداك وتاجد(ن) قدام[/poem]

تحياتي

لاهنت على المشاركة ..

وننتظر جديد مشاركاتك ..

بالتوفيق ..


تحيّاتي ..

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

صح لسانك ولســـــــانه

قصائد في غاية الروعة .

هلا فيك اخوي العبدي ولا هنت يالغالي

شكرا لك

تحياتي

هلا فيك اخوي اخو فهد والرائع هو تزيين مشاركتي

بتوقيعك

لاهنت يالغالي

تحياتي