[frame="8 80"]

بسم الله الرحمن الرحيم

السلام عليكم ورحمة الله وبركاتة

أسعد الله صباحكم بالخيرات

أطرح بين أيديكم قصيدة الشاعر / ملفي المورقي لمزاين قبيلة عتيبة ( الهيلا )
والذي سيقام بإذن الله تعالى في شهر شوال (10) لعام 1428هـ

ويقول أبو وافي

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياعيدنا اللي صاير(ن) بين عيدين = بين رمضان وبين عيد الضحية
جعلك تعود ليال وشهور واسنين = وحنا بخير ولا رزانا رزيه
نعم بنعم الضافي الأمن والدين = ماعندنا بغضا ولا مكرهيه
في ظل ربي ثم بظل السلاطين = العادلين اللي ذممهم بريه
حكامنا الوافين في العسر واللين = في حكمهم كل القبايل سويه
وحنا لهم طول الليالي مطيعين = على كتاب الله وسنة نبيه
من عهد أبو تركي مقر الموازين = اليا عياله طيبين السجيه
متكاتفينن كلنا ومتصافين = الرأي واحد والضماير نقيه
سوات هذا اليوم فالمحفل الزين = اللي حضرنا فيه من كل نيه
في أربع ميه وإلف وثمنيه وعشرين = في شهر عشره وسط نجد العذيه
مسجل(ن) في قلوبنا والدواويين = مايمحي مادامت الشمس حيه
مزاين الهيلا للأبل المزاين = أهل الحلال اللي قليل(ن) حليه
سود(ن) وواضح(ن) غاليات المثامين = وشعل(ن) وصفر(ن) فيهن الجاذبيه
نسع الغوارب ضافيات العرانين = وظهورها فيها تقاعس شويه
معمقات(ن) من خيار البعارين = ماحولت فيها الزمول الردية
ومن السطر فيها تدك الميادين = عسكر ولو ماتعرف العسكريه
تعمل عروض خلاف ويسار ويمين = تقول راعيها مدرب سريه
والوحده منها تراعيه بالعين = تقول تضرب له سلام وتحيه
ماجات معنا بالتسلف وبالدين = والا عطن مصفوط والا هديه
اللي ورثها من رجال(ن) مسمين = وصية(ن) يوصي عليها وصيه
واللي دفع فيها مئات الملايين = ويقول مهما سقت فيها بليه
والبل ترى ماتؤخذ الا بثنتين = شي(ن) مجرب من على الجاهليه
أما بنثر الدم يوم الأكاوين = ومصافق الفريس صبح وعشيه
والا قناطير الذهب والذهب وين = يخلي الناس الفقارى غنيه
وحنا كسبناه من أول وذلحين = بالجهد وعزوم الرجال القويه
وقمنا بواجبها كلام(ن) بتثمين = واللي يسوي مثلنا حي حيه
مرباعنا عرعر وأبا القور ويمين = اليا الحجر ومن تحتها شويه
وأن صار للصيف المبكر ودادين = على العبال الشاسعات الخليه
جاتك تخافق مخزيات الشياطين = تبغا الجنوب اللي تطارد نصيه
وأن صار يامشكاي وجه الدهر شين = وضاعت علوم اللي يسوق المطيه
على مصارفها بربي قويين = ندرك عشاها لو نباته وقريه[/poem][/frame]

هنا صوتيه
http://up9.arabsh.com/d.php?filename=ac9090..ra

__________________

لاهنت يا ابو مسفر و بيض الله وجهك على هذا النقل الوافي

و علومك غانمه فديتك


تقبل مروري يالغالي

اخوك

تركي السنحاني

اررررررررررررررحب يا بو مسفر


حيه وحي ماجاب علوووووووومك وافييه


صح الله السان المورقي

الله يكتب للعتبـــــــــــــــان التوفيق في شـــــــــــــــــــــــانهم


تقيل مروري يابو مسفر

__________________

بسم الله الرحمن الرحيم
السلام عليكم ورحمة الله وبركاته


صح لسااااااااان الشاعر


ولك تحيتي

__________________

اخوي تركي/// هلا وغلا
الساعه الطيبه مرورك على هذه المشاركه
بيض الله وجهك ولا خلا ولا عدم ياالغالي

__________________

بسم الله الرحمن الرحيم

السلام عليكم ورحمة الله وبركاته

لاهنت

بسم الله الرحمن الرحيم
السلام عليكم ورحمة الله وبركاته


لاهنت وصح لسانك ولسان الشاعر ملفي على القصيدة

اخوي فلاح ال راكان/// هلا وغلا
الساعه الطيبه مرورك على هذه المشاركه
بيض الله وجهك ولا خلا ولا عدم ياالغالي

__________________

حياك الله اخي الغالي

انا سعيد بمرورك علي مشاركتي

دمت بكل الود

__________________

ابو وافي شاعر كبير وعملاق


ولا يستغرب عنه هذه القصيدة الشامخه والرائعه



أتمنى لمزاين إبل عتيبة التوفيق والسداد


ولاهنت يابو فيصل على هذا الطرح المميز والرائع