بسم الله الرحمن الرحيم











[poem=font="Simplified Arabic,5,blue,bold,normal" bkcolor="transparent" bkimage="" border="none,thin,gray" type=4 line=1 align=center use=ex num="0,black"]
يالله ياعالـم خفيـات الأوهــام=يا رافـع سبـع وسبـع مهدهـا

تسمع دبيب النمل في دجل الاظلام=وتعـرف نوايا عبـدك اللي جحدها

إنك تثبتنـي على ديـن الإسـلام=مادام روحي باقيـة فـي جسدهـا

وترفق بهـا ياذا الجلال والإكـرام=اذا تـوارت وحدهـا فـي لحدهـا

وأصبحت لا أوخر ولا أروح قدام=مرهونـة نفسي بقبـري وحدهـا

وحصلـت ما سطـر عليَّة بالاقـلام=وثايـق محفوظـة فـي سندهــا

شي جديـد وشي فعلي وأنا اغـلام=نسيتهـا والله بسجلـي رصدهــا

وعقبه نهار الحشر والنشر وقيـام=تأخذ به الروح التقيـة جهـدهـا

يوم عظيـم تزدحـم فيـه الاقـدام=وتفـر فيـه الوالـدة عـن ولدهـا

مـرت سنيـن ومرت اشهور وأيـام=اعدهـا واثـره تضاعـف عددهـا

عشرة أعوام وقبلها عشرة أعـوام=مضاعفة في اثنين واشـوي زدهـا

مـرت علينا كأنها طيـف الأحـلام=ياسـرع مـا مرت ويا بعد امدهـا

مرت وأقول ان زهرة العمـر قدام=واثر الليالـي للزهـور اتحصدهـا

كم راح فيها مـن عزيزين واحشام=اذاقـو حلاوتهـا وقاسـو كبدهـا

وعشنا بخير وامن وإيمان وإسـلام=في نعمة ما قبلنا احـدن وجدهـا

احدٍ شكر ربه علـى كثـر الأنعـام=واحـدٍ يخـوض بنعمة ماحمدهـا

وين الشجاع اللي على الطيب مقدام=عرف دروب المرجلـة واعتمدهـا

صلى وصام وحج واطـاف بحـرام=واخرج زكـاة المـال عـد و نقدهـا

وفي والدينه بر مع وصـل الأرحام=لـو كـثر مالـه قيمتة مـا فقدهـا

ادا حقـوق الجـار وحقـوق الأيتام=ونفسه على صعب المراجل صهدها

الله يعـز اللـي يعــزون الإسـلام=نـاسٍ علـى التوحيـد قامت بلدها

واختامهـا صلـو علـى سيـد الأنام=محمـد اللـي ملتــه نعتقدهــا[/poem]



"والسـلام ختـام"



مهل محمد الكدادي الهاجري

ارحب

يا مهل الهاجري

صح لسانك وعلا شانك

القصيده ما فيها كلام وجزله واللي مثلك وشرواك ما نتوقع منه إلاّ الطيب .

تقبل مروري وتقديري

أخوك

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]

صح لسانك يالكدادي

انا اشهد انك مبدع وجزل

بيض الله وجهك على حضورك المشرف

ولاعدمناك ،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

صح لسانك

يابو محمد


وجمل الله حالك


قصيدة رائعه وجميلة جداً


ونطمع فالتواصل والحضور الدائم بمثل هذه النصوص الجميلة


أخوووك