بسم الله الرحمن الرحيم

الشاعر ناصر الحبابي ،،، إشتاق لدياره و لأبناء عمومته وهو في رحلة علاجه في بلاد الغربه ،،

نسأل الله أن يمن عليه بالشفاء ،،

دار الغربه

ذي ديرة اللي مريح و فاقد همه
ويشرب من الخمر ويزيده من البيره

وحريمهم يرخصون البوس و الضمه
ورجالهم فاقد من قلبه الغيره

وذا العالم الغربي اللي فاسد دمه
وحريته كلها جرم وتدميره

وحنا هل الدين وأهل العز والهمه
والإيمان حق لنا مانرتضي غيره

وقلبي من الضيق والتفكير في غمه
ويبغي المناهيج وأبغض شوف ذا الديره

ويبغي بلاده وقرب من بني عمه
ربع تعز الخوي وتثمن الجيره

اللي تدز الرسايل لي ومهتمه
والكل منهم ماله رخص تسعيره

ويا طيب من كان مثلي هم بني عمه
وتذري نهار الوغى لي شبت النيره

ولهم سلام عزيز و الحشا ضمه
أقدمه صادق و أعرب تعابيره

والله يجمع شتات الشمل و يلمه
والرجل يصبر على المقسوم والخيره


المعذرة في حال وجود بعض الأخطاء فالمصدر من رفيق الشاعر في الغربه ،،،

ابيض وجه يا ابن بطي على النقل

وصح السان الشاعر ناصر الحبابي والله يرده سالم

__________________

لاهنت يا اخوي منصوور
والله يبيض وجهكـ
الله يرجعه سالم غانم

//ذيب\\

يعطيك العافية على القصيدة
وصح لسان الشاعر المرهف لديار أهله