[poem=font="Simplified Arabic,5,blue,bold,normal" bkcolor="transparent" bkimage="backgrounds/2.gif" border="groove,medium,gray" type=4 line=0 align=center use=ex num="0,black"]
ابتـدي بسم الله الفرد الصمـــد=ربنا الخالق ولا لغيره خلـــــود
رافعاً سبعاً شداد بلا عمـــــد=الكريم اللي من ارزاقه نجـــــود
يالله أني طالبك وانت الاحــــد=يالهي يارجائــــــي يــاودود
اغفر ذنوب كثيرات العـــــدد=لاغديت بوحشتي تحت اللحــــود
بعدها يقول ابو فيصل سعــــد=ياسلامي عد براق ورعــــــود
في مخالٍ هل وبله والبـــــرد=سيل وديانه تفيض إبه الســــدود
ابني القيفان من مسك وشهـــد=واصرف المعنى كما صرف ألنقــود
لجل شيخاً بالجميلات أنفــــرد=شيخاً في مدحه أنا مالي صـــدود
عمي عائض شيخنا وجه السعـد=يالله اختم له بجنات الخلــــــود
الشجاع اللي كما طير الهـــدد=حامي الديره من اطماع الحســـود
في شبابه كان وحده ما أرتعــد=كان وحده بس عن فرقه جنــــود
مات جدي ثم لاعمامي فقــــد=واصبح العاهل عن الديره يــــذود
أخو فلوه لا أعتزى كلن هجــد=ومن تعزوى فيه يرقى به سنـــود
عدوته صوب العدو عدوتة فهـد=والعدو من عدوته يغدي شــــرود
مكرم الضيفان لو زاد العـــدد=في زمان مال ذي النعمه وجــــود
من زبن به زبنه بأمنه رقـــد=مزبن الجاني على مر العقـــــود
في المواقف وقفته وقفت أســد=وقفته ناموس والعالم شهـــــود
كلمته لاقالها شيك وسنــــد=صادقٍ ما عمره أخلف بالوعــــود
أن بدا اللازم فالاول ماقعـــد=وقبل لايقضى لزومه مايعـــــود
رافعاً راسه من ايام المهــــد=ماتوطى كون لله في السجـــــود
صامل الهدات سيــــلٍ لاورد=يسقي القيعان ويشيل الحيـــــود
اشهد ان امه بزة والله ولــــد=ماختلف طبعه عن اطباع الجـــدود
طول عمره في فعوله ما أنتقــد=لنها دايم صعودٍ في صعــــــود
كل حرمه لو تجيب أمية ولـــد=بمثله وشرواه مافيهنّ ولــــــود
جعل عين ما تحبه لرمـــــد=وجعل قلبٍ مايعزه للجمــــــود
يا أخو فلوه فاقدينك والبلــــد=صابرين وصبرنا عدى الحــــدود
يالله ان تعطيه صحة في الجسـد=ويالله ان جعله الى الديره يعــــود
نفرح بشوفه بعد طول الامـــد=نفرح أبشوفه ونفـرش لـــه ورود
وختمها صلوا عدد حن الرعــد=علنبي وأعداد ماجاء في الوجـــود[/poem]

الشاعـر
سعد بن مسفر آل هبالــــه

والله ومليوووووووون نعم بك وبشايبك وبآل هبآله وسنحان كافه ..

اررررررررررررحب يابوعايض تراحيب المطر ..

جيت ولاجبت الا سمين ..

صح الله السانك الشاعر : سعد بن مسفر مدد بلا عدد وهو كفوووو والعووود يستاااااااااااااهل ..

الله يرفع من المرض ويشافيه ويلبسه ثوب الصحه والعافيه ..

تقبل مروري نفداك ..

وفي انتظار جديدك ..

__________________

[frame="2 50"]الْلَّه يَشْفِي الْشَّيْخ/

عَايِض بْن عَلِي بْن شَايَع آَل هُبِالُه السِنَحَانِي


أخي عَلَي بْن عَايِض السِنَحَانِي لَاهِنَت


صَح الْلَّه لِسَان الْشَّاعِر سَعْد بْن مُسْفِر بْن عَلِي ال هُبِالُه الْقَحْطَانِي[/frame]

__________________

الاخ/ فلاح ال ركان
السلام عليكم ورحمةالله وبركاته
معليك زود وشكرا على المرور والى القاء

أرحب يا علي بن عايض ..

بيض الله وجهك على القصيدة ..

وصح الله لسان قايلها ولاهنت على نقلها لنا ..

ومليون نعم بـ آل هباله وبصبيان سنحان الكرام ..

ونسأل الله أن يشفي الشيخ عايض بن علي آل هباله ويعافيه من كل بأس ..

أشكرك على هذا الطرح المميز ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

صح الله لسان القايل والناقل


ونعم بال هباله


وعسى الله يشفي الشيخ/ عايض بن علي بن شايع


والله لا يهينك على المشاركة الطيبه

الاخوان جناب الهضب ومشاري بن نملان الحبابي
معليكم زود واشكركم على المرور وسال الله سبحانه ان يقبل منا ومنكم الدعاء وان يشفي كل مريضولكم تحياتي

علي بن عايض السنحاني

الله يصح السانك

ومليون نعم بال هباله صبيان سنحان ال ابلقير

الله يشافي الشيخ عايض بن علي ال هباله

امين يارب العالمين

__________________
للتواصل:

fahad_alhababi@hotmail.com

اخوي علي ونعم فيك وفي والدك
ونسال الله له العافية والسلامة

__________________

الاخ ابراهيم الرفيدي
السلام عليكم ورحمة الله وبركاته
معليك زود ونعم برفيده واشكرك على المرور وسال الله ان يقبل الدعاء وشكرا