[poem=font="Simplified Arabic,4,darkred,normal,normal" bkcolor="transparent" bkimage="backgrounds/17.gif" border="none,4,gray" type=1 line=0 align=center use=ex num="0,black"]
باهل الهوى من شارب الخمر شايات وبهم من اللي يطرد الصيد شايه



يوم الركايـب عقبـن خشـم ابانـات = ذكرت ملهوف الحشـى مـن عنايـه


ليته رديفٍ لي على الهجـن هيهـات = امـا معـي والا رديـف اخويـايـه


اخذت لي في ماضي العمر سجـات = يوم الهوى قايـم وانـا اتبـع هوايـه


يوم ان لي مع تلع الارقاب صرفـات = ابيـع واشـري بينـهـن بالسعـايـه


الليل نجدع بـه مواعيـد واضـوات = ولا خاشـر الوعـاد راع الضوايـه


واليوم شبت وتبت عن كـل مافـات = وطويت عـن كـل المـوارد رشايـه


الا إلى مـرت خطـات الخونـدات = اللـي جدايلهـا تـعـدا الحضـايـه


اتجازي الهرجـه بغضـاي وسكـات = ولاهيب تبـدي لـه سريـروغايـه


تصد عما قـال مـن غيـر مجفـات = وتعـرض بخـدٍ كـن فيـه المرايـه


طرالي الهاجوس هاجـوس الافـات = وعرض لي المبعد علـى كـل رايـه


ومع ان في قلبـي جـروحٍ خفيـات = وانـا خبـر مابـي سببهـا منـايـه


آية هـوى ماهـي بطـب المـداوات = انـا طبيـب الـروح مابـي غوايـه


ماهيب بدعه يلحق الرجـل شرهـات = نـاسٍ عـدو قدمـي ونـاسٍ ورايـه


لـولاي اوسـع خاطـري بالتنهـات = واصبر بحالي مـن خـلاي ابخلايـه


لاغدي كما المذهب وارمي بالاصوات = خبـلٍ علـى ماقـال راع الـروايـه


باهل الهوى من شارب الخمر شارات = وبهم من اللي يطـرد الصيـد شايـه


شارات راع الخمر فاقه وسكـرات = والصيـد ولعـه ماعلـى الله كمايـه


ولو اتمنى لـي مـن المـال غـلات = وانفـذ الغـلـه واحـصـل منـايـه


مير المقل ضعيـف مافيـه نوهـات = وراع التمنـي مـثـل زراع طـايـه




الـــــشـــــاعــــــر

عـبــد الله بــــن سـبـيــل[/poem]

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]