أشكر كل من شارك في الموضوع

أما عما فعلته
فقد اتصلت مباشرة على 999 واخبرتهم بالحادث وأن المتسبب سكران فكان الرد وبكل بساطة ياخي هذا ماهو شغلنا اتصل الله لايهينك على 993 المرور, وضحت الأمر مرة ثانية وأخبرت العمليات بأن المتسبب سكران وقد يؤذي نفسه والاخرين ولكن للأسف رد مرة أخرى وقال عليك بالمرور.
طبعا كلكم تعرفون المرور وثقالة دمهم في الوصول للحوادث ففضلت ألا أصل عليهم
وتوجهت لخوينا المرفع وقلت له شوف يابن الأجواد أنا بأتنازل عنك ولابأبلغ عنك وأتركك تروح بس بشرط واحد قال لي آمر قلت له تروح سيده على بيتكم ولا تروحلا يمين ولا يسار وان شفتك في الشارع والله لأخذ رقم سيارتك واتصل على الشرطة ويمسكونك رد علي الرجال وقال بيض الله وجهك تآمر على شيئ !!! قلت سلامتك الله يستر عليك
ركبته سيارته وقلت انتبه على نفسك تفآجأت الا وهو يقول تكفى عطني جوالك عطيته طبعا ورح الرجال

المهم اليوم الثاني الجمعة الا والرجال يكلمني الساعة 9 صباحا ويتعذر مني ويبي يصلح سيارتي
قلت له أولا ما قصرت على اعتذارك وهذا يدل على طيب أصلك أما التصليح فيفداك وكلها 500 ريال بالكثير
وكل يصلح سيارته ولكن أهم شيء ياخوي انك ماتعودها مرة ثانية واستر على نفسك وسمعتك وسمعة أهلكز


هذا كل ما صار
وتحياتي لكم