[poem=font="Simplified Arabic,6,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

جيت آتظـلّـم صاحبي وأطلبك في لفت النــــظــر =هل تنصف المظلوم من ظلـم الزمان اللي وطـــاهـ
معـذور لو جيت أعتذر غيري تعـذ َّر وأنعذر =ما أخطيت لكن الزمـان أخطى وحمـًّلني خطاهـ
حقْ ٍ علي أصبر ومن صـِبٍّر على شي ٍ قدر =والصبر لو فيه المرارة من ملذات الحياهـ
على سفينة حبكم ظميان في عرض البحر =هبـّت عليه العاصفة ثم أنتثر زاده و مـاهـ
بين البداية والنهاية لا إتجاه ولا مفر =يقبل ويقفي يستدير بدون وجهة وإتجاهـ
والموت قام يدارج التابوت لأبواب القبر =والموج غاضب والكفن منسوج بخيوط الوفاهـ
يبـّس شفاياه الظما واذا تصبـّر ماقدر =وإذا شرب من ماء البحر زاد الظما على ظمـاهـ
قطع رجاه من الحياه وبـرّكه حكم القدر =بارك كما يبرك بعير ٍ شال حمل ٍ ماقواهـ
وحارت بعينه دمعته لو جات في صلد الحجر =ذاب الحجر كما يذوب الكحل في عين الفتاهـ
ماهو بودّه يلفظ أنفاسه ولا حوله بشر = إمـّا صديق ٍ يـّنفعه ولا ولد عم ٍ بكـاهـ
ولاّ عفيفات ٍ يطـرّنْ الجيوب من القهر =هذي رمت عنها القناع وذي رمت عنها العباهـ
على ظهر سفينته يطوي مسافات العمر =مستوحش ٍ وحشة نبي الله يونس في دجـاهـ
وفجأه وهو ساهي خطف عينه سنا برق ٍ ظهر =يبرق على بعد المدا ويضيح في الغبـّة سناهـ
وحنـّت مباكير الرعود وهب نسناس المطر =ريح المطر يطرق وريده والسحب غطـّت سماهـ
وأسقاه ربي من سحابه وأنجلى عنه الضجـر =وشرب وصـدّر وأرتوى وأبحر على درب النجاهـ
أديب ومغامر وشاعر له مع الذكرى عبر =يسرد مسلسل قصـّته للي وراه من الرواهـ
لاحظ على بياض ثوبه نقطتين ٍ من حبر =هاضت شجونه مد كفـّه للقلم وجر الدواهـ
وتذكرك ياظامر السرجوف ياترف النحر =يا غايته ومناه في دنياه ياشمعة هواهـ
أنت السفينه والبحر لي جاك علمي والخبر =أنت الظما والماء بليـّا شك وبدون إشتباهـ
البارحة لك وأمس لك واليوم وأيام الدهـر =الليل ليلك والنهار يشعْ من خـدّك ظياهـ
يابو جديل ٍ أشقر ٍ مثل الشعاع إذا أنتشر =ولاّ كما نبع الغدير اللي تحدّر للوطاهـ
يابو حجاج ٍ دارته تشبه هلال أتلى الشهر =والخشم سيف ٍ جـرّده حامي السريـّه من خباهـ
والعين حوريه ترعرع في محاجرها السحر =لي سلهمت برموشها جـرّت فؤادي من عراهـ
خد ٍ كما روض الزهر ولاّ قمر خامس عشر =من أستلذ بحبته حـوّل على جمر الشفاهـ
جمر الشفاه اللي تواقد فوق وضـّاح الثغر =ومبيسمك لا واهني من قبّـله ولا سـقاهـ
ياقوتة ٍ في رقدتك كنّـه مبللها الخمر =خمر الثمان ومن طعم خمر الثمان أدرك مناهـ
والعنق عنق الجازية لي روّحـت حِـلْ العصر =لي روّحت من بطن وادي وأمرحت في اللي وراهـ
وتفاحتين ٍ بابليـّه في بساتين الصدر =الصدر راوي والخصر طاوي كما خصر المهاهـ
وفخذك فخذ بكر ٍ تغض الطرف وتحب الستر =والساق تحفة عاج لا مثله ولا في مستواهـ
وخضاب كفّـك جنّـة ٍ خضراء على ضفة نهـر =ولاّجناح الطير لأذهب حِسْ قنّـاص ٍ رماهـ
هذي وصوفك يالطيف الروح يالظبي العفر =وأنت الذي ربّي على كل المزايين أصطفاهـ
وأنت الذي طيفك يسامرني على ضوح القمر =أوسّـده يمناي وأقلب صفحة الذكرى معاهـ
وقّف ترى عمري بدونك يابعد عمري هدر =ولا تعال آودّعك وأكتب معك لأهلي وصاهـ
وصاة مجنون ٍ قضى نحبه وهو يهذي شعر =يهذي بحب اللي غرس رمح المحبة في حشاهـ
ياونتي ونة كسير ٍ عظم ساقه ماجبر =ولاّ كما ونت طريدٍ طاردينه من عشاهـ
ياما عليك آجر ونـّات العشايا والفجر =وأبكي كما يبكي يتيم ٍ يكسر الخاطر بكاهـ
ياغايتي حلمك علي ونا أعتذر عن مابدر =أصفح عن الهايم و لا تسمع دعايات الوشاهـ
ونا حصان ٍ طمرته تعجب عيونك لي عثر =يصهل صهيل العزْ والطـرّاد مايلحق مداهـ
هذا ونا ياغايتي جيت أطلبك لفت النظر =هل تنصف المظلوم من ظلم الزمان اللي وطاهـ [/poem]

__________________