عندما يلقى الإنسان حتفه وهو لا يزال حياً...جرّاء تناوب كروب الدهر عليه..

وعندما ينكر أقرب الناس المعروف..ويجزى الإحسان بالإساءه فإن الصورة تتجلى هكذا>>>>

كل(ن) له الله

[poem=font="Simplified Arabic,5,white,bold,normal" bkcolor="transparent" bkimage="backgrounds/22.gif" border="none,4,gray" type=1 line=1 align=center use=ex num="0,black"]
الوقت قاسي والزمن دوم غدّار=واكثر الناس بالناس ضايع دليله

أللي تجنّى حق الاشراف فشّار= واللي ينوش الخطا يلاقي مثيله

ياكم هذير(ن) شايل علوم واخبار=يصحى على الفتنات وينام ليله

وكم من شقي بسرد الاحوال هذار=ما يدري إن الهرج يوزن ثقيله

اللي بدا له سيف(ن) إنسل ما غار=واللي لو تنحّى عن دروب جيله

له في مجلس العز صوره وتذكار=ما تنمحي لو قل طرياه شيله

كود إن عجاج الوقت غطّى على النار=يرجع لهبها ينتفض فيه حيله

وتدور هالدنيا على قرص دوّار=مثل الثرى لا هل فوقه هميله

ويدوم يسر الحال من عقب الاعسار=ثم إتلاحق نايبات(ن) تشيله

وانا..لي منّها حظوظ(ن) كثار..وكثار=يوم(ن) دفني لوم وعتاب قيله

ضحيت..ما ضحيت..ما قلت يا جار=ولا مدّيت يمناي اسأل جزيله

للوفا..والعز..وللصدق..عندي اطوار=وسيف المراجل في يميني سليله

لا تحسبون (الحر) به خوف لا طار=(الحر) جارح (والمخالب) صقيله

من فوق هذا لامني ناس(ن) كثار=واقرب قرايب عزوتي في القبيله

والصاحب اللي آمنه صار غدّار=والفى يشق الجرح ويزيد سيله

مالي عليهم لآزم آقدم اعذار=اللي يجازي الخير..بالشر..ويله

وماني معادي قربهم لو ياصلوا الدار=مسامح كريم..ودوم..نفسي أصيله

يكفي فخر للناس..(إني لهم جار)=ويكفي فخر للعين..(ماهي ذليله)

واختم قصيدي ناشد(ن)..حكم الاقدار=كلّن له الله يوم كلّن دخيله[/poem]

((( عمر السخني )))

__________________